🕒 11 Jul 2026 ✍️ Desk
అంబర్పేటలో యువకుడు ఆత్మహత్య
విశ్వంభర, అంబర్పేట : హైదరాబాదు అంబర్పేట పోలీస్ స్టేషన్ పరిధిలో ఓ యువకుడు ఉరివేసుకుని ఆత్మహత్య చేసుకున్న ఘటన శుక్రవారం చోటుచేసుకుంది. పోలీసులు తెలిపిన వివరాల ప్రకారం, జీహెచ్ఎంసీలో శానిటేషన్ కార్మికుడిగా పనిచేస్తున్న ఎం. నిఖిల్ కుమార్ (25) తన నివాసంలో బెడ్రూమ్లో సీలింగ్ ఫ్యాన్కు ఉరివేసుకున్న స్థితిలో కుటుంబ సభ్యులకు కనిపించాడు. వెంటనే కుటుంబ సభ్యులు అతడిని కిందకు దించి ప్రథమ చికిత్స అందించేందుకు ప్రయత్నించారు. అనంతరం అక్కడికి చేరుకున్న 108 అంబులెన్స్ సిబ్బంది పరీక్షించి అప్పటికే మృతి చెందినట్లు నిర్ధారించారు. మృతుడి సోదరుడు ఇచ్చిన ఫిర్యాదు మేరకు అంబర్పేట పోలీసులు కేసు నమోదు చేసి దర్యాప్తు చేపట్టారు. ప్రాథమిక సమాచారం ప్రకారం, మృతుడికి మద్యం అలవాటు ఉన్నట్లు ఫిర్యాదులో పేర్కొన్నారని పోలీసులు తెలిపారు.
🔗 https://www.vishvambhara.com/telangana/youth-committed-suicide-in-amberpet/article-18486
Advertisement
