కనుమరుగవుతున్న మోడల్ స్కూల్ వెళ్లే కాలి బాట
విశ్వంభర , వలిగొంకూడ: యాదాద్రి భువనగిరి జిల్లా వరిగొండ మండల పరిధిలో ఎమ్మార్వో ఆఫీస్ వెనుక ఉన్న మోడల్ స్కూల్ కు వెళ్లే కాలి బాట రోజు రోజుకు కనుమరుగవుతోంది. వర్షాలకు బురద, ముళ్ల పొదలతో ఈ బాట పూర్తిగా శిథిలమైంది. ఈ బాటను వందలాది మంది విద్యార్థులు ప్రతి రోజూ స్కూల్ కు వెళ్లడానికి ఉపయోగిస్తున్నారు. దారి సరిగా లేకపోవడంతో విద్యార్థులు నరకయాతన పడుతున్నారు. బురదలో పడిపోతూ, బ్యాగులు తడుస్తూ స్కూల్ కు వెళ్లాల్సి వస్తోంది. ఈ సమస్యపై పలుమార్లు ఫిర్యాదులు చేసినా అధికారులు, స్థానిక నాయకులు చోద్యం చూస్తున్నారు తప్ప ఎలాంటి చర్యలు తీసుకోవడం లేదని విద్యార్థులు ఆవేదన వ్యక్తం చేస్తున్నారు. ఈ నేపథ్యంలో స్థానిక ఎమ్మెల్యే వెంటనే స్పందించి ఈ బాటపై.సిసి రోడ్డు వేయించాలని, దీని వల్ల విద్యార్థుల ప్రయాణ సమయం తగ్గడంతో పాటు సురక్షితంగా స్కూల్ కు చేరుకుంటారని విద్యార్థులు, తల్లిదండ్రులు కోరుతున్నారు.
Advertisement
.jpeg)
