ఆరు గంటల్లోనే కిడ్నాప్కు గురైన చిన్నారిని కాపాడిన ఆదిలాబాద్ పోలీసులు
Adilabad Police: ఆదిలాబాద్ పోలీసులు చాకచక్యంగా వ్యవహరించి కిడ్నాప్కు గురైన నాలుగేళ్ల చిన్నారిని ఫిర్యాదు అందిన కేవలం ఆరు గంటల్లోనే సురక్షితంగా రక్షించారు. తలమడుగు మండలం రుయ్యాడి గ్రామానికి చెందిన చిన్నారిని కిడ్నాప్ చేసిన ఘటనపై వెంటనే స్పందించిన పోలీసులు, సీసీటీవీ ఫుటేజ్, సాంకేతిక ఆధారాలు, ప్రత్యేక గాలింపు చర్యలతో చిన్నారిని ఆదిలాబాద్ పట్టణంలోని మహాలక్ష్మీవాడలో గుర్తించి క్షేమంగా రక్షించారు.
ఈ కేసులో నైథం నాగుబాయి, గుమ్మడివార్ భారతి (25) అనే ఇద్దరు మహిళలను పోలీసులు అరెస్టు చేశారు. నిందితులపై సంబంధిత చట్టాల ప్రకారం కేసు నమోదు చేసి దర్యాప్తు కొనసాగిస్తున్నారు.
చిన్నారిని రక్షించిన అనంతరం ఆదిలాబాద్ జిల్లా ఎస్పీ అఖిల్ మహాజన్, ఐపీఎస్ చిన్నారిని ఆమె తల్లిదండ్రులకు అప్పగించారు. తమ కుమార్తెను సురక్షితంగా తిరిగి అప్పగించిన పోలీసులకు తల్లిదండ్రులు కృతజ్ఞతలు తెలిపారు. ఈ ఆపరేషన్లో పాల్గొన్న పోలీసు బృందాన్ని ఎస్పీ అభినందించారు.
Advertisement
.jpeg)
