విశ్వంభర,పెద్ద శంకరంపేట:  తెలంగాణ రాష్ట్ర హామీల కమిటీ ఛైర్మన్‌గా నియమితులైన నారాయణఖేడ్ ఎమ్మెల్యే డాక్టర్ సంజీవరెడ్డి మంగళవారం బాధ్యతలు స్వీకరించారు . ఈ కార్యక్రమం హైదరాబాద్‌లోని తెలంగాణ రాష్ట్ర శాసనసభ (అసెంబ్లీ) ప్రాంగణంలో   ఆర్భాటంగా జరిగింది. ఈ కార్యక్రమానికి తెలంగాణ రాష్ట్ర శాసనసభ స్పీకర్  గడ్డం ప్రసాద్ కుమార్ , రాష్ట్ర ఐటీ, పరిశ్రమలు  శాసనసభా వ్యవహారాల శాఖ మంత్రి దుద్దిళ్ల శ్రీధర్ బాబు  ముఖ్య అతిథులుగా హాజరయ్యారు. బాధ్యతలు స్వీకరించిన డాక్టర్ సంజీవరెడ్డి కి వారు పుష్పగుచ్ఛం అందజేసి, మిఠాయిలు తినిపించి హృదయపూర్వక శుభాకాంక్షలు తెలియజేశారు. ఈ సందర్భంగా డాక్టర్ పట్లోళ్ల సంజీవరెడ్డి గారు మాట్లాడుతూ, తనపై నమ్మకంతో హామీల కమిటీ ఛైర్మన్‌గా బాధ్యతలు అప్పగించినందుకు రాష్ట్ర ప్రభుత్వానికి, కాంగ్రెస్ అధిష్టానానికి, స్పీకర్ కు సహకరించిన పెద్దలందరికీ ప్రత్యేక ధన్యవాదాలు తెలిపారు. ప్రభుత్వం ఇచ్చిన హామీల అమలును వేగవంతం చేస్తూ, ప్రజా సమస్యల పరిష్కారానికి, సంక్షేమానికి ఈ కమిటీ ద్వారా శాయశక్తులా కృషి చేస్తానని ఆయన పేర్కొన్నారు. ఈ కార్యక్రమంలో పలువురు శాసనసభ్యులు, ప్రజాప్రతినిధులు, కాంగ్రెస్ పార్టీ నాయకులు,నారాయణఖేడ్ నియోజకవర్గ ముఖ్య నాయకులు  అభిమానులు పెద్ద సంఖ్యలో పాల్గొని ఎమ్మెల్యే కు అభినందనలు తెలిపారు.