జోనల్ పోలీస్ డ్యూటీ మీట్ లో పతకాలు సాధించిన జిల్లా పోలీస్ అధికారులు
విశ్వంభర, మహబూబాబాద్ : వరంగల్ పోలీస్ కమిషనరేట్ పరిధిలోని పీటీసీ మామ్నూర్లో జూలై 7 నుండి 9 వరకు నిర్వహించిన భద్రాద్రి జోన్-IV పోలీస్ డ్యూటీ మీట్–2026లో వివిధ విభాగాల్లో ప్రతిభ కనబర్చి పతకాలు సాధించిన మహబూబాబాద్ జిల్లా పోలీస్ అధికారులు, సిబ్బంది ఈరోజు జిల్లా ఎస్పీ శబరీష్ని జిల్లా పోలీస్ కార్యాలయంలో మర్యాదపూర్వకంగా కలిశారు. ఈ సందర్భంగా ఎస్పీ వారిని ప్రత్యేకంగా అభినందించి, జిల్లాకు కీర్తి తీసుకొచ్చినందుకు ప్రశంసించారు. సాధించిన విజయాలను కొనియాడుతూ భవిష్యత్తులో రాష్ట్ర, జాతీయ స్థాయిల్లోనూ ఇదే స్ఫూర్తితో మరిన్ని విజయాలు సాధించాలని ఆకాంక్షించారు.మహబూబాబాద్ జిల్లా తరపున ప్రత్యేక బాంబు స్క్వాడ్ కోచ్ గా వ్యవహరించిన అంజయ్య ను ప్రత్యేకంగా అభినందించారు. పోలీస్ డ్యూటీ మీట్లో పతకాలు సాధించడం ద్వారా మహబూబాబాద్ జిల్లా పోలీస్ శాఖ ప్రతిష్ఠను మరింత ఉన్నత స్థాయికి తీసుకెళ్లిన విజేతలందరికీ జిల్లా ఎస్పీ డాక్టర్ శబరీష్, ఐపీఎస్ మరోసారి అభినందనలు తెలియజేశారు.
Advertisement
