అక్కన్నపేట మండల కాంగ్రెస్ అధ్యక్షుడిగా బుర్ర ప్రభాకర్
విశ్వంభర, అక్కన్నపేట: హుస్నాబాద్ నియోజకవర్గ పరిధిలో కాంగ్రెస్ పార్టీ మండల, పట్టణ అధ్యక్షుల నియామకాలను పార్టీ అధిష్టానం అధికారికంగా ప్రకటించింది. తెలంగాణ ప్రదేశ్ కాంగ్రెస్ కమిటీ (టీపీసీసీ) అధ్యక్షుడు బి. మహేష్ కుమార్ గౌడ్ ఆదేశాల మేరకు ఈ నియామకాలు అమల్లోకి వచ్చాయి. ఈ క్రమంలో అక్కన్నపేట మండల కాంగ్రెస్ పార్టీ అధ్యక్షుడిగా బుర్ర ప్రభాకర్ను నియమించడం పట్ల మండల కాంగ్రెస్ నాయకులు, కార్యకర్తలు హర్షం వ్యక్తం చేశారు. పార్టీ బలోపేతం కోసం ఆయన చేసిన కృషిని గుర్తించి ఈ బాధ్యతలు అప్పగించినందుకు పార్టీ అధిష్టానానికి కృతజ్ఞతలు తెలిపారు. అక్కన్నపేట మండలంలో కాంగ్రెస్ పార్టీని మరింత బలోపేతం చేస్తూ, గ్రామ స్థాయి నుంచి పార్టీ కార్యక్రమాలను ప్రజలకు చేరువ చేయడంలో బుర్ర ప్రభాకర్ సమర్థవంతంగా పనిచేస్తారని నాయకులు ఆశాభావం వ్యక్తం చేశారు. ఈ సందర్భంగా మండల కాంగ్రెస్ పార్టీ కుటుంబ సభ్యుల తరఫున పార్టీ అధిష్టానానికి, జిల్లా నాయకత్వానికి ప్రత్యేక ధన్యవాదాలు తెలియజేస్తూ, ప్రత్యేకంగా స్థానిక ఎమ్మెల్యే, రాష్ట్ర మంత్రి పొన్నం ప్రభాకర్ గౌడ్ కు నూతన అధ్యక్షుడు బుర్ర ప్రభాకర్ హృదయపూర్వక శుభాకాంక్షలు తెలిపారు.
Advertisement
