పవన్ కల్యాణ్‌ కు వదిన సురేఖ అదిరిపోయే గిఫ్టు

పవన్ కల్యాణ్‌ కు ఏపీ ప్రభుత్వంలో డిప్యూటీ సీఎం పదవితో పాటు కీలక శాఖలు దక్కిన సంగతి తెలిసిందే. అయితే ఏపీలో గెలిచినప్పటి నుంచి పవన్ కల్యాణ్‌ ప్రతి విషయాన్ని తన అన్నయ్య చిరంజీవితో పంచుకుటున్నారు. ఇందులో భాగంగానే ఏపీలో శాఖలు కేటాయించిన తర్వాత పవన్ కల్యాణ్‌ నేరుగా చిరంజీవి ఇంటికి వెళ్లారు.

ఈ సందర్భంగా వదిన సురేఖ పవన్ కల్యాణ్‌ కు ఓ బహుమతిని ఇచ్చింది. ఆమె గిఫ్ట్ అందిస్తున్న వీడియోను చిరంజీవి అభిమానులతో పంచుకున్నారు. కల్యాణ్‌ బాబుకు వదినమ్మ బహుమతి అంటూ ఆయన రాసుకొచ్చారు. అయితే ఆమె అందించిన గిఫ్ట్ ఏదో కాదండోయ్... ఖరీదైన పెన్నును బహుమతిగా అందించారు సురేఖ.

దాన్ని పవన్ కల్యాణ్‌ స్వయంగా జేబులో పెట్టారు. దాంతో పవర్ స్టార్ ఆనందంతో వదినమ్మను కౌగిలించుకుని తన సంతోషాన్ని వ్యక్తి పరిచారు. ఇంతటి అద్భుతమైన బహుమతిని అందించిన చిరంజీవి, వదినమ్మలకు ఆయన థాంక్స్ చెప్పారు. ఏపీ ప్రజల ఆశలను నిజం చేస్తావని ఆశిస్తున్నా అంటూ వీడియో చివరలో రాసుకొచ్చారు చిరంజీవి. ప్రస్తుతం ఈ వీడియో సోషల్ మీడియాలో వైరల్ అవుతోంది.