పద్మశాలి మహిళా విభాగం కమిటీ ఎన్నిక.   - అధ్యక్షురాలుగా  ఊర్కొండ రమాదేవి, 

విశ్వంభర, ఎల్బీనగర్ :-  పద్మశాలి సంఘం ఎల్బీనగర్ సర్కిల్  ఆధ్వర్యంలో మహిళా విభాగం కమిటీ ని ఎన్నుకోవడం జరిగింది. మన్సూరాబాద్ లోని పాలాది పరమేశ్వర్ వృద్ధాశ్రమంలో   పున్న గణేష్ అధ్యక్షతన తెలంగాణ ప్రాంత పద్మశాలి మహిళా విభాగ ప్రెసిడెంట్ గుంటక రూప సదాశివ్ , గ్రేటర్ హైద్రాబాద్ ప్రెసిడెంట్ పోరండ్ల శారదా ముఖ్య అతిధులుగా పాల్గొని మహిళా అధ్యక్షురాలుగా  ఊర్కొండ రమాదేవి, ప్రధాన కార్యదర్శిగా  పేరాల సుజాత,  మహిళ సభ్యుల చేత ప్రమాణ స్వీకారం చేయించారు. ఈ కార్యక్రమానికి విశిష్ట అతిధులుగా అఖిల భారత పద్మశాలి అన్నసత్రాల మార్గ దర్శకులు చిలువేరు కాశీనాథ్ , బీసీ సంఘం జాతీయ ఉపాధ్యక్షులు గుజ్జ సత్యం , పద్మశ్రీ గజం అంజయ్య , వేముల రాము నేత , రాపోలు సుధాకర్ నేత సమక్షములో కార్యక్రమం నిర్వహించారు. మహిళా అధ్యక్షురాలుగా ఎన్నికైన  ఊర్కొండ రమాదేవి మాట్లాడుతూ మహిళల అభ్యున్నతికి , సాధికారత కోసం నిరంతరం కృషి చేస్తానని అన్నారు. ఎల్బీనగర్ విభాగంలో మహిళ కమిటీని వేసి సంఘ అభివృద్ధిలో మాకంటూ ఒక గుర్తింపు వచ్చేలా చేసిన ఎల్బీనగర్ సంఘం కమిటీకి ధన్యవాదాలు తెలిపారు. అనంతరం ఎన్నికైన మహిళా కమిటీకి పలువురు శాలువాలతో సన్మానించారు.