.jpeg)
విశ్వంభర, సంగారెడ్డి, ఏప్రిల్ 13: సంగారెడ్డి పట్టణంలోని వెలుగు ఆఫీస్ ప్రాంగణంలో నూతనంగా నిర్మిస్తున్న బీసీ గర్ల్స్ హాస్టల్ భవనాన్ని మాజీ ఎమ్మెల్యే జగ్గారెడ్డి సోమవారం పరిశీలించారు. భవన నిర్మాణ పనులను దగ్గరుండి చూసిన ఆయన, గదుల నిర్మాణం మరియు భవన డిజైన్పై సంతృప్తి వ్యక్తం చేశారు. విద్యార్థినులకు అన్ని విధాలా సౌకర్యంగా ఉండేలా ఈ భవన డిజైన్ ఉందని జగ్గారెడ్డి కొనియాడారు. నియోజకవర్గంలో రాబోయే రోజుల్లో నిర్మించబోయే మిగతా హాస్టల్ భవనాలను కూడా ఇదే మోడల్/డిజైన్తో నిర్మించాలని ఆయన అధికారులకు సూచించారు. నిర్మాణంలో ఉన్న ఈ హాస్టల్కు సంబంధించి ఇంకా కొన్ని నిధులు విడుదల కావాల్సి ఉందని జిల్లా బీసీ వెల్ఫేర్ అధికారి జగ్గారెడ్డి దృష్టికి తీసుకెళ్లారు. దీనిపై సానుకూలంగా స్పందించిన ఆయన.. బీసీ సంక్షేమ శాఖ మంత్రి పొన్నం ప్రభాకర్ గారితో మరియు రాష్ట్ర స్థాయి అధికారులతో మాట్లాడి వెంటనే నిధులు మంజూరయ్యేలా చూస్తానని హామీ ఇచ్చారు.హాస్టల్ గదులను క్షుణ్ణంగా పరిశీలించిన అనంతరం, విద్యార్థినులకు ఎటువంటి ఇబ్బందులు కలగకుండా అన్ని వసతులతో భవనాన్ని త్వరితగతిన అందుబాటులోకి తీసుకురావాలని అధికారులను ఆదేశించారు.ఈ కార్యక్రమంలో బీసీ సంక్షేమ శాఖ అధికారులు మరియు స్థానిక నాయకులు పాల్గొన్నారు.
Advertisement
.jpeg)
