ఘోర ప్రమాదం: లోయలో పడిన వ్యాన్... 17 మంది మృతి

ఛత్తీస్‌గఢ్‌లో ఘోర ప్రమాదం జరిగింది. కబీర్‌ధామ్ జిల్లాలో ఉన్న కవర్ధాలో ప్రయాణికులతో వెళ్తోన్న ఓ వ్యాన్ లోయలో పడింది.

ఛత్తీస్‌గఢ్‌లో ఘోర ప్రమాదం జరిగింది. కబీర్‌ధామ్ జిల్లాలో ఉన్న కవర్ధాలో ప్రయాణికులతో వెళ్తోన్న ఓ వ్యాన్ లోయలో పడింది. ఈ ఘటనలో 17 మంది మృతిచెందారు. మరో ఎనిమిది మంది తీవ్రంగా గాయపడ్డారు. మృతుల్లో 14 మంది మహిళలు ఉన్నట్లు తెలుస్తోంది.

వివరాల ప్రకారం.. 25 నుంచి 30 మంది బైగా ట్రైబల్ కమ్యూనిటీకి చెందిన వారు బీడీ ఆకుల కోసం వెళ్లారు. ఆకులు ఏరిన తర్వాత వారిని పికప్ వ్యాను వెనక్కి తీసుకువస్తోంది. ఈ క్రమంలో వ్యాను లోయలోకి బోల్తా కొట్టింది. దీంతో గాయపడిన వారిని సమీపంలోని ఆసుపత్రికి తరలించారు.

ఈ వాహనంలో ప్రయాణిస్తున్న వారంతా కుయ్ గ్రామానికి చెందిన వారిగా గుర్తించారు. బైగా కమ్యూనిటీ ఎక్కువగా బీడీలు చేస్తుంది. బీడీ ఆకుల కోసం వీరు అడవులకు వెళ్తుంటారు. ఈ ఆకుల ఉత్పత్తి మార్చి నుంచి మే మధ్య ఉంటుంది.