విశ్వంభర, మహబూబాబాద్  :  జిల్లా కేంద్రంలోని సబ్ జైల్లో తెలంగాణ ఆవిర్భావ దినోత్సవ వేడుకలు ఘనంగా జరిగాయి .   ఈవేడుకల్లో జైలర్ మల్లెల శ్రీనివాసరావు జాతీయ జెండాను ఎగురవేశారు . ఈ సందర్భంగా  జైలర్ మల్లెల శ్రీనివాసరావు మాట్లాడుతూ, అరవై ఏండ్ల సుదీర్ఘ పోరాట ఫలితంగా ప్రత్యేక రాష్ట్రం సిద్దించిందన్నారు . మరియు  ఎందరో విద్యార్థులు, మేధావుల బలిదానాల పునాధుల పై నిర్మితమైన తెలంగాణ రాష్ట్రాన్ని ముందుకు తీసుకెళ్ళాల్సిన భాద్యత ప్రతిఒక్కరిపై ఉందన్నారు .  ముఖ్యంగా యువత సన్మార్గంలో పయనించి నేర అవినీతి రహిత సమాజం కోసం కృషి చేయాలన్నారు .  ప్రస్తుతం తెలంగాణ జెన్ జెడ్ యువశక్తి హక్కుల కోసమే కాకుండా దేశంపట్ల , తమ భాద్యతలు సైతం గుర్తెరుగాలని ,  సూచించారు .  తద్వారా తెలంగాణ రాష్ట్రంతో పాటు దేశం కూడా ఈ అభివృద్ధిలో ముందుంటుందని ఆకాంక్షించాడు .  ప్రజాస్వామ్య యుతంగా రాజ్యాంగానికి లోబడి మనం చేసే ప్రతి మంచిపని తమ బంగారు భవిష్యత్తుకు బాటలు వేస్తుందన్నారు . అంతేకాకుండా  శిక్షను అనుభవిస్తున్న విచారణ ఖైదీలు పరివర్తన చెంది గౌరవంతో కూడిన జీవితాన్ని పొందాలని హితవుపలికారు . నవ సమాజ నిర్మాణమే తెలంగాణ అమరవీరులకు మనమిచ్చే  గౌరవమని అన్నారు . అనంతరం జైల్లోని విచారణ ఖైదీలకు స్వీట్లు, మిఠాయిలు  పంపిణీ చేశారు .