చేనేత కార్మికుల జియో ట్యాగ్ పేరిట లక్షల్లో వసూళ్లు..!?

విశ్వంభర , తెలంగాణ :-  డెస్క్ :-- చేనేత కార్మికుల కష్టాలను దృష్టిలో పెట్టుకొని తెలంగాణ రాష్ట్రం సాధించుకున్న తరవాత తెలంగాణ ప్రభుత్వాలు చేనేత కార్మికులకు వివిధ రకాల సంక్షేమ పధకాలను రూపొందించడం జరిగింది. తెలంగాణ రాష్ట్ర ప్రభుత్వం గా మొదటిసారి అధికారంలోకి వచ్చినా రెండు పర్యాయాలలో చేనేత కార్మికుల ఆత్మహత్యల  నివారణకు పలు కార్యక్రమాలు చేపట్టింది. చేనేత కార్మికుల సంక్షేమానికి నేతన్న భరోసా , చేనేత థ్రిఫ్టు ఫండ్ పథకాలతో పాటు బతుకమ్మ చీరలు ను చేనేత కార్మికులకు ఆర్డర్స్ ఇవ్వడం,  అలాగే నాడు, నేడు చేనేత కార్మికులకు ఎదో ఒక విధంగా చేనేత  కార్మికుల సంక్షేమానికి కృషి చేస్తుంది.. కానీ నాడు గత ప్రభుత్వంలో చేపట్టిన చేనేత థ్రిఫ్టు ఫండ్ ద్వారా జియో ట్యాగ్స్ నెంబర్లు ను మగ్గాలకు కేటాయించి వారి బ్యాంకు ఖాతాల్లో వారు కట్టే కొంత నగదుకు రెండు  రెట్టింపు ల నగదు ను ప్రభుత్వం జమ చేస్తుంది. ఆనాటి  ప్రభుత్వంలో చేనేత  కార్మికుల జనాభాను దృష్టిలో పెట్టుకొని వారి జీవనోపాధికి మార్గం లా థ్రిఫ్టు ఫండ్ ద్వారా కొంత మేర లబ్ది చేకూరింది . కానీ రెండు సార్లు అధికారం చేపట్టిన తరవాత మూడవ సారి జరిగిన ఎన్నికల్లో కాంగ్రెస్ ప్రభుత్వం అధికారంలో రావడం అలాగే గత ప్రభుత్వం ద్వారా ప్రవేశపెట్టిన థ్రిఫ్టు ఫండ్ స్కీం ను కాంగ్రెస్ ప్రభుత్వం కొనసాగిస్తుంది.. మరల చేనేత కార్మికుల మగ్గాల పై ఉన్న జియో ట్యాగ్స్ లబ్ద్ధిదారుల విచారణ తో నేడు అధికారులు చేనేత కార్మికులను ఇబ్బందులకు గురి చేస్తున్నారని వార్తలు పెద్ద ఎత్తున వినిపిస్తున్నాయి. ఎంక్వయిరీ లతో అర్హులైన చేనేత కార్మికులకు చేనేత జౌళి శాఖ ద్వారా అధికారులు చేనేత కార్మికులు ఉన్న  గ్రామాల్లో ఒకటికి  పది సార్లు విచారణ ల పేరిట జియో ట్యాగ్స్ కేటాయించడంలో పలు సమస్యలతో కూడిన షరతులు విధిస్తు అయోమయానికి గురి చేస్తున్నారని చేనేత కార్మికులు ఆరోపిస్తున్నారు.