మెగా డాటర్ నిహారిక కొణిదెలకు జాతీయ గౌరవం
నిహారిక నిర్మించిన చిత్రానికి ప్రతిష్టాత్మక జాతీయ అవార్డు
మెగా కుటుంబానికి మరో అరుదైన గౌరవం దక్కింది. డిప్యూటీ సీఎం పవన్ కళ్యాణ్ సోదరుడు, నటుడు నాగబాబు కుమార్తె నిహారిక కొణిదెల నిర్మించిన చిత్రానికి 72వ జాతీయ చలనచిత్ర అవార్డుల్లో ప్రతిష్టాత్మక గుర్తింపు లభించింది. నిహారిక కొణిదెల తన నిర్మాణ సంస్థ ద్వారా రూపొందించిన "చిన్న కథ కాదు" చిత్రం ఉత్తమ బాలల చిత్రంగా జాతీయ అవార్డును సొంతం చేసుకుంది. దర్శకుడు నందకిషోర్ ఈమని తెరకెక్కించిన ఈ చిత్రం బాలల భావోద్వేగాలు, సామాజిక సందేశాన్ని హృద్యంగా ఆవిష్కరించడంతో జ్యూరీ ప్రశంసలు అందుకుంది.
ఈ అవార్డు ప్రకటించడంతో నిహారిక కొణిదెలకు సినీ ప్రముఖులు, అభిమానులు, మెగా కుటుంబ సభ్యుల నుంచి అభినందనలు వెల్లువెత్తుతున్నాయి. నిర్మాణ రంగంలో తనకంటూ ప్రత్యేక గుర్తింపు తెచ్చుకునేందుకు కృషి చేస్తున్న నిహారికకు ఈ జాతీయ అవార్డు మరింత ప్రోత్సాహాన్నిచ్చే ఘనతగా భావిస్తున్నారు. సోషల్ మీడియాలో అభిమానులు మెగా కుటుంబానికి శుభాకాంక్షలు తెలియజేస్తూ పోస్టులు చేస్తున్నారు
.
Advertisement
