జియోలో అదిరిపోయే వీఐపీ నంబర్ ఆఫర్.. రూ.15 వేలకే నంబర్‌తో పాటు అదనపు ప్రయోజనాలు

Jio VIP Number: జియో వినియోగదారులకు ప్రత్యేక వీఐపీ నంబర్ ఆఫర్‌ను అందుబాటులోకి తీసుకొచ్చింది. వినియోగదారులు తమకు నచ్చిన ప్రత్యేక నంబర్‌ను ఎంపిక చేసుకునే అవకాశం కల్పిస్తోంది. 9xxxx900900, 9xxxx009999 వంటి ఆకర్షణీయమైన నంబర్లను వీఐపీ నంబర్లుగా ఎంపిక చేసుకోవచ్చని జియో పేర్కొంది.

ఈ ఆఫర్‌లో భాగంగా వీఐపీ నంబర్‌తో పాటు ఏడాది పాటు అన్‌లిమిటెడ్ 5జీ ప్లాన్‌ను ఉచితంగా అందిస్తున్నట్లు తెలిపింది. ఈ ప్లాన్ విలువ రూ.4,000కు పైగా ఉంటుందని జియో పేర్కొంది. దీంతో ప్రత్యేక నంబర్ కోరుకునే వినియోగదారులకు ఈ ఆఫర్ ఆసక్తికరంగా మారింది.

అంతేకాకుండా 5000GB గూగుల్ స్టోరేజ్, జెమినీ ప్రో ప్లాన్, జియోహాట్‌స్టార్ వంటి అదనపు ప్రయోజనాలను కూడా అందిస్తున్నట్లు జియో తెలిపింది. వీటన్నింటినీ కలిపి రూ.15,000 ధరకు అందిస్తున్నట్లు ఆఫర్‌లో పేర్కొంది. ఈ ధరలో జీఎస్టీ కూడా కలిపి ఉంటుందని వివరించింది.

ఈ వీఐపీ నంబర్ ఆఫర్ జియో వినియోగదారులతో పాటు ఇతర నెట్‌వర్క్‌ల వినియోగదారులకు కూడా అందుబాటులో ఉంటుందని సంస్థ తెలిపింది. ప్రత్యేక నంబర్‌ను ఎంచుకుని ఈ ఆఫర్‌ను పొందేందుకు అవకాశం కల్పించింది. అయితే ఈ ఆఫర్ సెప్టెంబర్ 15 వరకు మాత్రమే అందుబాటులో ఉంటుందని జియో సందేశంలో పేర్కొంది.