POVA AI BUDS PRO: టెక్నాలజీ దిగ్గజం POVA మార్కెట్లోకి వినూత్నమైన డిజైన్ మరియు అడ్వాన్స్‌డ్ ఆర్టిఫిషియల్ ఇంటెలిజెన్స్ ఆధారిత సరికొత్త POVA AI BUDS PRO ఇయర్‌బడ్స్‌ను అధికారికంగా లాంచ్ చేసింది. సాధారణ ఇయర్‌బడ్స్‌కు పూర్తి భిన్నంగా రూపొందిన ఈ డివైస్, స్మార్ట్ ఫీచర్లతో యూజర్లకు రోజువారీ పనులను ఎంతో సులభతరం చేసేందుకు సిద్ధమైంది.

అబ్బురపరిచే స్మార్ట్ AI ఫీచర్లు

ఈ ఇయర్‌బడ్స్ కేవలం పాటలు వినడానికే కాకుండా, ఆఫీస్ మీటింగ్‌లు మరియు ఫోన్ కాల్స్‌కు సంబంధించిన పూర్తి సంభాషణను క్షణాల్లో సారాంశంగా మార్చి ఇస్తాయి. అంతేకాకుండా ముఖ్యమైన విషయాలను వెంటనే నోట్స్ రూపంలో రాసి అందించడం, మాట్లాడే మాటలను టెక్స్ట్‌గా మార్చే ట్రాన్స్‌క్రిప్ట్ సదుపాయం వీటిలో ఉంది. వీటితో పాటు ఏకంగా 78 భాషల్లో లైవ్ అనువాదం చేసుకునే అద్భుతమైన సదుపాయం ఉండటం దీని ప్రత్యేకత.

అదిరిపోయే సౌండ్ - మైక్ క్వాలిటీ

ఆడియో ప్రియుల కోసం ఇందులో Hi-Res ఆడియో మరియు LHDC సపోర్ట్‌ను అందించారు, ఇది అత్యుత్తమ శబ్ద నాణ్యతను అందిస్తుంది. ఇక కాల్స్ మాట్లాడేటప్పుడు ఎలాంటి నాయిస్ లేకుండా స్పష్టమైన వాయిస్ వినిపించేందుకు, అలాగే క్లీన్ రికార్డింగ్స్ కోసం ఒక్కో జతలో ఏకంగా 8 శక్తివంతమైన మైక్రోఫోన్లను అమర్చారు.

ఆకట్టుకునే ధర - లాంచ్ ఆఫర్లు

ఈ POVA AI BUDS PRO అసలు ధర రూ.14,999 కాగా, లాంచ్ సేల్ ఆఫర్‌లో భాగంగా రూ.12,499 ప్రత్యేక ధరకే ఫ్లిప్ కార్ట్‌ లో అందుబాటులోకి రానుంది. ఎంపిక చేసిన బ్యాంక్ ఆఫర్ల ద్వారా అదనంగా మరో రూ.1,000 వరకు తగ్గింపు పొందవచ్చు. అలాగే వినియోగదారుల సౌకర్యార్థం 9 నెలల వరకు నో కాస్ట్ ఈఎంఐ సదుపాయాన్ని కూడా కల్పించారు. ఈ సరికొత్త ఇయర్‌బడ్స్ సేల్ ఆగస్టు 22 నుంచి అధికారికంగా ప్రారంభం కానుంది.