మోదీ రాజీనామా పోస్టర్.. ఆరేళ్ల బాలుడిని అదుపులోకి తీసుకున్న పోలీసులు
Bihar News: బీహార్లో 70వ బీపీఎస్సీ పరీక్షల్లో అవకతవకలు జరిగాయని ఆరోపిస్తూ విద్యార్థులు చేపడుతున్న నిరసనలు కొనసాగుతున్నాయి. పరీక్షలను రద్దు చేసి, తిరిగి నిర్వహించాలని డిమాండ్ చేస్తూ విద్యార్థులు ఆందోళనకు దిగారు. ఈ క్రమంలో ప్రధాని మోదీ రాజీనామా చేయాలని కోరుతూ పోస్టర్ పట్టుకున్న ఆరేళ్ల బాలుడిని పోలీసులు అదుపులోకి తీసుకున్న ఘటన చర్చనీయాంశంగా మారింది. నిరసనల్లో పాల్గొన్న విద్యార్థులతో పాటు బాలుడిని కూడా పోలీసులు అదుపులోకి తీసుకున్నట్లు సమాచారం.
70వ బీపీఎస్సీ పరీక్షల్లో అవకతవకలు జరిగాయని ఆరోపిస్తున్న విద్యార్థులు.. పరీక్షను రద్దు చేసి న్యాయంగా తిరిగి నిర్వహించాలని డిమాండ్ చేస్తున్నారు. తమ డిమాండ్లపై ప్రభుత్వం, బీపీఎస్సీ స్పష్టమైన నిర్ణయం తీసుకోవాలని కోరుతున్నారు. మరోవైపు మోదీ రాజీనామా చేయాలంటూ పోస్టర్ పట్టుకున్న చిన్నారిపై పోలీసులు చర్యలు తీసుకోవడం పట్ల పలువురు ప్రశ్నలు లేవనెత్తుతున్నారు. ఈ ఘటనకు సంబంధించిన పూర్తి వివరాలు, బాలుడిని ఏ కారణాలతో అదుపులోకి తీసుకున్నారనే విషయంపై పోలీసులు స్పష్టత ఇవ్వాల్సి ఉంది.
Advertisement
