డ్రగ్స్, గంజాయిపై పోరుకు పోతురాజు వేషధారణలో ప్రచారం
విశ్వంభర, సూర్యాపేట: సూర్యాపేట జిల్లా కేంద్రంలో డ్రగ్స్, గంజాయి మరియు రోడ్డు భద్రతపై పోతురాజు వేషధారణలో వినూత్న అవగాహన కార్యక్రమం నిర్వహించారు. మద్దిరాల మండలం గోరంట్ల పాఠశాల తెలుగు ఉపాధ్యాయులు, సామాజిక కార్యకర్త రాచకొండ ప్రభాకర్ గౌడ్ ఈ వేషధారణలో అంబేద్కర్ నగర్, గిరిజన కళాశాల బాలుర వసతి గృహంలో ప్రచారం చేపట్టారు. చెడును తరిమికొట్టే శక్తికి ప్రతీక అయిన పోతురాజు రూపంలో ఆయన మత్తు పదార్థాల వల్ల కలిగే శారీరక, మానసిక, ఆర్థిక నష్టాలను వివరించారు. యువత లక్ష్యాలను సాధించి తల్లిదండ్రులకు మంచి పేరు తెవాలని కోరారు. ద్విచక్ర వాహనదారులు హెల్మెట్, కార్లలో వెళ్లేవారు సీటు బెల్టు విధిగా ధరించాలని రోడ్డు భద్రతపై అవగాహన కల్పించారు. "నో డ్రగ్స్ - సేవ్ లైఫ్" అంటూ కరపత్రాలు పంచుతూ, జానపద కళలను ప్రోత్సహించేలా ఈ కార్యక్రమం సాగింది.ఈ కార్యక్రమంలో వెల్ఫేర్ ఆఫీసర్ కోటేష్, ఏఎన్ఎం జయ, హాస్టల్ సిబ్బంది, విద్యార్థులు పాల్గొన్నారు.
Advertisement
