Varla Ramaiah: తెలుగుదేశం పార్టీ సీనియర్ నేత, ఎస్సీ సామాజిక వర్గానికి చెందిన వర్ల రామయ్యను గవర్నర్ కోటాలో ఎమ్మెల్సీగా ఎంపిక చేయడంపై హిందూపురం పార్లమెంట్ టీడీపీ అధికార ప్రతినిధి పాలచర్ల ముత్యాలప్ప హర్షం వ్యక్తం చేశారు. ఈ సందర్భంగా వర్ల రామయ్యకు హృదయపూర్వక శుభాకాంక్షలు తెలిపారు. ఎస్సీ సామాజిక వర్గానికి తెలుగుదేశం పార్టీ ఎప్పుడూ ప్రాధాన్యత ఇస్తుందని ముత్యాలప్ప పేర్కొన్నారు.

సామాజిక న్యాయానికి, అన్ని వర్గాల అభ్యున్నతికి టీడీపీ అధినేత, ముఖ్యమంత్రి నారా చంద్రబాబు నాయుడు ప్రాధాన్యత ఇస్తున్నారని ముత్యాలప్ప తెలిపారు. వర్ల రామయ్యకు గవర్నర్ కోటాలో ఎమ్మెల్సీగా అవకాశం కల్పించడం సామాజిక న్యాయానికి నిదర్శనమని అన్నారు. సమాజంలోని అన్ని వర్గాలకు రాజకీయంగా, సామాజికంగా తగిన ప్రాధాన్యత కల్పిస్తూ టీడీపీ ముందుకు సాగుతోందని పేర్కొన్నారు. వర్ల రామయ్య తనకు అప్పగించిన బాధ్యతలను సమర్థవంతంగా నిర్వర్తిస్తారనే నమ్మకం ఉందని తెలిపారు.

రాబోయే రోజుల్లో తెలుగుదేశం పార్టీ మరింత బలోపేతం అవుతుందని ముత్యాలప్ప ధీమా వ్యక్తం చేశారు. చంద్రబాబు నాయుడు నాయకత్వంలో రాష్ట్ర ప్రభుత్వం ప్రజల సంక్షేమం, రాష్ట్ర అభివృద్ధిని లక్ష్యంగా చేసుకుని ముందుకు సాగుతోందన్నారు. వర్ల రామయ్యకు ఎమ్మెల్సీగా అవకాశం కల్పించినందుకు మరోసారి హర్షం వ్యక్తం చేస్తూ.. ఆయనకు శుభాకాంక్షలు తెలిపారు. ఎమ్మెల్సీగా కొత్త బాధ్యతలను సమర్థవంతంగా నిర్వర్తించి ప్రజలకు సేవ చేయాలని ఆకాంక్షించారు.