బోనాల పండుగలో సినీ నటి నిహారిక.. అమ్మవారికి బంగారు బోనం సమర్పణ
Niharika Konidela: సినీ నటి, నిర్మాత నిహారిక కొణిదెలకు బోనాలు ఎత్తాలన్న కోరిక ఎట్టకేలకు నెరవేరింది. హైదరాబాద్ పాతబస్తీలోని మీరాలం మండిలో ఉన్న శ్రీ మహంకాళేశ్వర ఆలయాన్ని సందర్శించిన నిహారిక కొణిదెల మహంకాళి అమ్మవారికి బంగారు బోనం సమర్పించి ప్రత్యేక పూజలు నిర్వహించారు. ఈ సందర్భంగా అమ్మవారి దర్శనం చేసుకుని ప్రత్యేక పూజల్లో పాల్గొన్న ఆమె భక్తిశ్రద్ధలతో బోనం సమర్పించారు. చిన్నప్పటి నుంచి బోనాల పండుగను చూడాలని, తాను కూడా బోనాలు ఎత్తాలని కోరుకునేదానినని నిహారిక తెలిపారు. “నన్ను కూడా ఎవరైనా బోనాలకు తీసుకెళ్తే బాగుండేది” అన్న తన కోరిక అమ్మవారి అనుగ్రహంతో ఇప్పుడు నెరవేరిందని ఆమె ఆనందం వ్యక్తం చేశారు. మహంకాళి అమ్మవారి సన్నిధిలో బంగారు బోనం సమర్పించి ప్రత్యేక పూజలు నిర్వహించడం తనకు ఎంతో సంతోషంగా ఉందని తెలిపారు. నిహారిక ఆలయానికి వచ్చి బోనం సమర్పించడంతో భక్తులు, ఆలయ సిబ్బంది ప్రత్యేకంగా అభినందించారు.
Advertisement
