కరెంట్ కోతలపై రైతుల ఆగ్రహం.. తీగలపల్లి సబ్‌స్టేషన్‌ ముందు రోడ్డుపై బైఠాయింపు

బావాయిపల్లి, జనంపల్లి, తీగలపల్లి రైతుల నిరసన

Nagarkurnool Farmers Protest: నాగర్‌కర్నూల్ జిల్లా కోడేరు మండలం తీగలపల్లిలో విద్యుత్ కోతలకు నిరసనగా రైతులు ఆందోళనకు దిగారు. తీగలపల్లి సబ్‌స్టేషన్‌ ఎదుట బావాయిపల్లి, జనంపల్లి, తీగలపల్లి గ్రామాలకు చెందిన రైతులు పెద్ద సంఖ్యలో చేరుకుని ధర్నా నిర్వహించారు. సబ్‌స్టేషన్‌ ముందు రోడ్డుపై బైఠాయించిన రైతులు విద్యుత్ సరఫరాలో తరచూ అంతరాయం ఏర్పడటంపై ఆవేదన వ్యక్తం చేశారు. కరెంట్ కోతల కారణంగా వ్యవసాయ పనులకు ఇబ్బందులు ఎదురవుతున్నాయని తెలిపారు. సమస్యను వెంటనే పరిష్కరించాలని కోరారు.

వ్యవసాయానికి అవసరమైన సమయంలో విద్యుత్ అందకపోవడంతో రైతులు ఇబ్బందులు పడుతున్నారని ఆందోళనకారులు పేర్కొన్నారు. ముందస్తు సమాచారం లేకుండా విద్యుత్ సరఫరా నిలిచిపోవడంతో పనులు సకాలంలో పూర్తి చేసుకోలేకపోతున్నామని తెలిపారు. అంతరాయం లేకుండా విద్యుత్ సరఫరా చేయాలని రైతులు డిమాండ్ చేశారు. విద్యుత్ కోతల సమస్యను అధికారులు పరిశీలించి శాశ్వత పరిష్కారం చూపాలని కోరారు. తమ సమస్య పరిష్కారమయ్యే వరకు ఆందోళన కొనసాగిస్తామని రైతులు తెలిపారు.