Vevo S2 Launch: ప్రముఖ స్మార్ట్‌ఫోన్ తయారీ సంస్థ వివో తన కొత్త వివో ఎస్2 స్మార్ట్‌ఫోన్‌ను నేడు మధ్యాహ్నం 12 గంటలకు అధికారికంగా ఆవిష్కరించనుంది. ఇప్పటికే ఫ్లిప్‌కార్ట్లో టీజర్ విడుదల కావడంతో ఈ ఫోన్‌పై వినియోగదారుల్లో ఆసక్తి నెలకొంది. సన్నని బాడీ, ఆకర్షణీయమైన కెమెరా డిజైన్‌తో ఈ ఫోన్ ప్రీమియం లుక్‌లో రానుంది.

డైమెన్సిటీ 7360 ప్రాసెసర్

లీక్‌ల ప్రకారం ఈ ఫోన్‌లో మీడియాటెక్ డైమెన్సిటీ 7360 ప్రాసెసర్ ఉండే అవకాశం ఉంది. 8 జీబీ ర్యామ్‌తో పాటు 128 జీబీ, 256 జీబీ నిల్వ సామర్థ్యాల ఎంపికలు అందుబాటులోకి వచ్చే అవకాశముంది. గేమింగ్, మల్టీటాస్కింగ్‌ను సులభంగా నిర్వహించేలా ఈ ఫోన్ పనితీరు ఉండనుంది.

కెమెరా ప్రత్యేకతలు

ఫోటోగ్రఫీ కోసం 50 మెగాపిక్సెల్ ప్రధాన కెమెరా, 8 మెగాపిక్సెల్ సహాయక కెమెరా ఉండే అవకాశం ఉంది. సెల్ఫీలు, వీడియో కాల్స్ కోసం 32 మెగాపిక్సెల్ ముందు కెమెరాను అందించే అవకాశముందని సమాచారం. కృత్రిమ మేధస్సు ఆధారిత కెమెరా ఫీచర్లు కూడా ఇందులో ఉండనున్నాయి.

భారీ బ్యాటరీ

ఈ ఫోన్‌లో 7,000 ఎంఏహెచ్ సామర్థ్యం గల బ్యాటరీ, 80 వాట్ల వేగవంతమైన ఛార్జింగ్ సదుపాయం ఉండే అవకాశం ఉంది. ఒకసారి పూర్తిగా ఛార్జ్ చేస్తే ఎక్కువసేపు వినియోగించుకునేలా బ్యాటరీ సామర్థ్యాన్ని కంపెనీ అందించనుంది.

ధర ఎంత ఉండొచ్చు?

వివో ఎస్2 ప్రారంభ ధర రూ.38 వేల నుంచి రూ.43 వేల మధ్య ఉండే అవకాశం ఉందని సమాచారం. అధికారిక ధర, పూర్తి ఫీచర్లను నేడు మధ్యాహ్నం జరిగే ఆవిష్కరణ కార్యక్రమంలో కంపెనీ వెల్లడించనుంది. ఈ స్మార్ట్‌ఫోన్ ఫ్లిప్‌కార్ట్ ద్వారా విక్రయానికి అందుబాటులోకి రానుంది.