20 రోజులకు దొరికిన వడ్డే యల్లయ్య మృతదేహం

20 రోజులకు దొరికిన వడ్డే యల్లయ్య మృతదేహం

విశ్వంభర, సూర్యాపేట : గత నెల 18న మిస్సింగ్ అయిన సూర్యాపేట జిల్లా బ్లాక్ కాంగ్రెస్ అధ్యక్షుడు, మాజీ నక్సలైట్ వడ్డే యల్లయ్య (58)దారుణహత్యకు గురయ్యినట్టు నిర్థారణ అయింది. 20 రోజులుగా కొనసాగిన సస్పెషన్‌కు తెరపడింది. ఏప్రిల్ 18న ఓ సెటిల్ మెంట్ కోసమని ఓ మహిళతో కలిసి ఆంధ్రప్రదేశ్‌లోని కృష్ణ జిల్లా జగ్గయ్యపేట వెళ్లిన యల్లయ్య అదే రోజు దారుణ హత్యకు గురయ్యారు. భర్త మిస్సింగ్ పై ఆయన భార్య యాదమ్మ సూర్యాపేట, జగ్గయ్య పేట పట్టణ పోలీసులకు ఫిర్యాదు చేయడంతో ఈ హత్య ఆలస్యంగా వెలుగు చూసింది.

తిరుమలగిరికి చెందిన శ్రీకాంత్ చారికి, వడ్డే యల్లయ్యకు మధ్య రియల్ ఎస్టేట్  వ్యాపారంలో జరిగిన ఆర్థిక లావాదేవీల్లో ఇద్దరు మధ్య తేడాలు రావడంతోనే హత్య జరిగినట్లు పోలీసులు నిర్ధారించారు. ఏప్రిల్ 18న సూర్యాపేట నుండి కారులో మహిళతో కలిసి సెటిల్మెంట్ పనిమీద జగ్గయ్యపేటకు వెళ్లిన యల్లయ్యను పథకం ప్రకారం ఒక గదిలోకి తీసుకెళ్లి కర్రలతో  కొట్టి చంపినట్టు పోలీసులు తెలిపారు. హత్య అనంతరం మృతదేహాన్ని జగ్గయ్యపేట మండలం బండిపాలెం పరిసరాల్లోని  అటవీ ప్రాంతంలో  పెట్రోల్ పోసి కాల్చి గుంతలో పూడ్చిపెట్టారు. ఈ కేసులో శ్రీకాంత్ చారిని అనుమానిస్తూ జగ్గయ్యపేట పోలీసులు ఆయన్ను అదుపులోకి తీసుకోని విచారించడంతో హత్య కోణం బయటపడింది. ఈ మేరకు బుధవారం నిందితుడు ఇచ్చిన సమాచారం ఆధారంగా  బండిపాలెం అటవీ ప్రాంతంలో మృతదేహాన్ని వెలికితీశారు. కాగా, సూర్యాపేట ప్రాంతంలో జరిగిన ఐదు హత్య కేసుల్లో యల్లయ్య ప్రధాన నిందితుడిగా ఉన్నట్లు  పోలీసులు తెలిపారు.

Read More హత్య కేసులో నటుడు దర్శన్ అరెస్ట్

Related Posts

Advertisement

LatestNews

ఇంటింటా జ్వర సర్వే ప్రక్రియ పకడ్బందీగా నిర్వహించాలి
BRS పార్టీ వర్కింగ్ ప్రెసిడెంట్ KTR పుట్టినరోజు సందర్భంగా గిఫ్ట్ ఏ స్మైల్ లో భాగంగా వేముల నరేష్ కుటుంబానికి ₹1,50,000/- ఆర్థికసాయం అందజేసి, అండగా నిలిచిన - మాజీ ఎమ్మెల్యే డా.గాదరి కిశోర్ కుమార్
మహాలక్ష్మి అమ్మవారికి తొలి వన బోనం గొల్లలు సమర్పించిన గంగ పుత్రులు
కేంద్ర బడ్జెట్లో బీజేపీ తెలంగాణకి ఏమిచ్చింది..?
28 న ముఖ్యమంత్రి రేవంత్ పర్యటనపై కల్వకుర్తి ఎమ్మెల్యే సమీక్ష
రైతు వేదిక నందు రైతు బీమా కొరకు దరఖాస్తుల స్వీకరణ
డిగ్రీ ఫలితాల్లో శ్రీ వెంకటేశ్వర విద్యార్థుల హవా