ఎమ్మెల్యే భార్య మృతిపై పోలీసుల వివరణ.. అనారోగ్యంతోనే సూసైడ్

చొప్పదండి ఎమ్మెల్యే మేడిపల్లి సత్యం భార్య రూపాదేవి ఆత్మహత్య చేసుకుని చనిపోయిన విషయం తెలిసిందే. దంపతులకు ఇద్దరు పిల్లలు కూడా ఉన్నారు. అల్వాల్ లోని ఇంట్లో ఆమె ఉరేసుకుని చనిపోయింది. ఆమె గురువారం సాయంత్రమే చనిపోయినా.. అర్ధరాత్రి ఈ విషయం బయటకు వచ్చింది.

కాగా ఒక ఎమ్మెల్యే భార్య అయిన ఆమె ఎందుకు చనిపోయిందా అని అంతా ఆరా తీస్తున్నారు. ఈ క్రమంలోనే తాజాగా పోలీసుల ఆమె మృతిపై వివరణ ఇచ్చారు. రూపాదేవి అనారోగ్యంతోనే చనిపోయిందని నిర్ధారించారు. ఆమెకు గత మూడేండ్లుగా విపరీతమైన కడుపు నొప్పితో బాధపడుతోంది.

ఆ నొప్పి భరించలేకనే ఆమె సూసైడ్ చేసుకుందని పోలీసులు చెబుతున్నారు. ఆమె చనిపోయే ముందు కూడా భర్త, తల్లికి వీడియో కాల్ చేసి ఇదే విషయం చెప్పింది. ఇక రూపాదేవి ఆత్మహత్య చేసుకున్నప్పుడు ఆమె తల్లి, పిల్లలు ఇంట్లోనే ఉన్నారని తెలుస్తోంది.