Lalbaugcha Raja: ముంబైలోని ప్రముఖ లాల్‌బాగ్‌చా రాజాను బాలీవుడ్ నటుడు షారుక్ ఖాన్ కుటుంబంతో కలిసి దర్శించుకున్నారు. గణపతి బప్పా ఆశీస్సులు పొందేందుకు కుటుంబ సభ్యులతో కలిసి లాల్‌బాగ్‌చా రాజా మండపానికి వెళ్లారు.ఈ సందర్భంగా షారుక్ ఖాన్ కుటుంబ సభ్యులతో కలిసి గణపతికి ప్రత్యేక పూజలు నిర్వహించారు. గణేశ్ ఉత్సవాల సందర్భంగా లాల్‌బాగ్‌చా రాజాను దర్శించుకునేందుకు పెద్ద సంఖ్యలో భక్తులు తరలివస్తున్న నేపథ్యంలో షారుక్ ఖాన్ రాక ప్రత్యేక ఆకర్షణగా నిలిచింది.

గణపతి బప్పా సన్నిధిలో పూజలు నిర్వహించిన అనంతరం షారుక్ ఖాన్ కుటుంబ సభ్యులతో కలిసి అక్కడి నుంచి వెళ్లారు. ఆయన దర్శనానికి సంబంధించిన దృశ్యాలు సోషల్ మీడియాలో వైరల్‌గా మారాయి.ప్రతి ఏడాది ముంబైలో లాల్‌బాగ్‌చా రాజా దర్శనానికి సినీ ప్రముఖులు, రాజకీయ నాయకులు, ఇతర రంగాలకు చెందిన ప్రముఖులు హాజరవుతుంటారు. ఈ క్రమంలో షారుక్ ఖాన్ కుటుంబంతో కలిసి రావడం అభిమానుల దృష్టిని ఆకర్షించింది.