తెలంగాణ సచివాలయంలో సెక్షన్ ఆపీసర్లుగా ఏపీ ఉద్యోగులను నియమించనున్నట్లు తెలుస్తోంది. ఈ మేరకు రేవంత్‌ సర్కార్‌ ఆ దిశగా అడుగులు వేస్తున్నట్లు సమాచారం. ఏపీ స్థానికత ఉన్నప్పటికీ వేర్వేరు కారణాలతో ఆంధ్రా ఉద్యోగులను తెలంగాణకు రప్పిస్తున్నట్లు ప్రభుత్వ వర్గాలు చెబుతున్నాయి. సుమారు 1800 మంది ఉద్యోగులను రాష్ట్ర సచివాలయంలో సెక్షన్ ఆఫీసర్లుగా నియమించనున్నట్లు తెలుస్తోంది. 

దీంతో తెలంగాణ రాష్ట్ర సచివాలయంలో సెక్షన్ ఆఫీసర్లుగా 40 మంది, అసిస్టెంట్ సెక్షన్ ఆఫీసర్లుగా 20 మంది మారనున్నట్లు సమాచారం. ఇప్పటికే చీఫ్ సెక్రటరీ శాంతి కుమారి ఈ నియామకానికి సంబంధించిన ఫైల్‌ను సీఎం రేవంత్ రెడ్డి టేబుల్‌పై ఉంచినట్లు అధికారులు చెబుతున్నారు. గతంలో ఈ ప్రయత్నం జరిగినపుడు మాజీ సీఎం కేసీఆర్ నిరాకరించారట. ఇక సచివాలయంలో ఆంధ్ర ఉద్యోగుల పెత్తనం చెలాయించడానికే ఇలా నియమిస్తున్నారంటూ తెలంగాణ ఉద్యోగులు మండిపడుతున్నారు.

కళాకారుడు ఏలె లక్ష్మణ్ రూపొందించిన రాజముద్రలోని ‘కాకతీయ తోరణం, చార్మినార్’ రాచరిక పోకడలన్న సీఎం రేవంత్ రెడ్డి వ్యాఖ్యలపై ఆయన మండిపడ్డారు. రాష్ట్ర గీతంలో ‘గోల్కొండ నవాబుల గొప్ప వెలుగే చార్మినార్’, కాకతీయ కళాప్రభల కాంతిరేఖ రామప్ప’ అని ఆలపిస్తున్నాం కదా అని ప్రశ్నించారు. సీఎం కేబినెట్‌లో ఎవరికైనా ఆ పాటలో ఏముందో తెలుసా? అని ట్విట్టర్ వేదికగా కేటీఆర్ ప్రశ్నించారు. 

అదేవిధంగా కేటీఆర్ ట్విట్టర్‌లో మరో పోస్ట్ చేశారు. ముఖ్యమంత్రి (సీఎం రేవంత్ రెడ్డి) గారూ... ఇదేం రెండు నాల్కల ధోరణి... ఇదెక్కడి మూర్ఖత్వం.. కాకతీయ కళాతోరణంపై ఎందుకంత కోపం? చార్మినార్ చిహ్నంపై ఎందుకంత చిరాకు?' అని కేటీఆర్ మండిపడ్డారు. తెలంగాణ రాష్ట్ర చిహ్నంలో రాచరిక పోకడలు ఉండకూడదనే ఉద్దేశ్యంతో కాకతీయ తోరణం, చార్మినార్ చిహ్నం తొలగిస్తున్నారని మండిపడ్డారు. అవి రాచరికపు గుర్తులు కాదు.. వెయ్యేళ్ల సాంస్కృతిక వైభవానికి చిహ్నాలు అని తెలిపారు.

 జీతాలు రాక మానసిక ఒత్తిడికి గురైన ఓ అంబులెన్స్ డ్రైవర్ గుండెపోటుతో మృతిచెందాడు. ఈ విషాద ఘటన పెద్దపల్లి జిల్లా జూలపల్లి మండలంలో జరిగింది. ఈ ఘటనకు సంబంధించి వివరాలు ఇలా ఉన్నాయి. పెద్దాపూర్‌కు చెందిన రాజకుమార్ (52) జగిత్యాలలో 104 అంబులెన్స్ డ్రైవర్‌గా విధులు నిర్వహిస్తున్నాడు.

తోటి ఉద్యోగితో విధుల కోసం బైక్‌పై వెళ్లి కార్యాలయానికి తిరిగొస్తుండగా తీవ్ర అస్వస్థతకు గురై బైక్‌పై నుంచి కిందపడిపోయాడు. వెంటనే ప్రభుత్వ ఆసుపత్రికి తరలించి, సీపీఆర్ చేసి చికిత్స చేస్తుండగానే ప్రాణాలు కోల్పోయాడు. అయితే కాంగ్రెస్ ప్రభుత్వం ఏర్పడినప్పటి నుంచి 104 సిబ్బందికి వేతనాలు మంజూరు కాకపోవడం, జగిత్యాల డీఎంహెచ్‌వో శ్రీధర్ వేధింపుల కారణంగా రాజకుమార్ మనస్తాపంతో మృతిచెందాడని కుటుంబసభ్యులు, 104 సిబ్బంది ఆరోపిస్తున్నారు.