దేశంలో వర్షాభావ పరిస్థితులు రోజురోజుకూ ఎక్కువ అవుతున్నాయి. ఇప్పటికే చాలా రాష్ట్రాల్లో కుండపోత వర్షాలు పడుతున్నాయి. ఇటు తెలంగాణలో కూడా పలు జిల్లాల్లో తేలికపాటి వర్షాలు పడుతున్నాయి. ఈ క్రమంలోనే తెలంగాణతో పాటు 12 రాష్ట్రాలకు భారీ వర్ష సూచన ఉన్నట్టు కేంద్ర వాతావరణ శాఖ హెచ్చరించింది. 

తెలంగాణ, మహారాష్ట్ర, ఛత్తీస్‌గఢ్ రాష్ట్రాల్లోకి నైరుతి రుతుపవనాలు ప్రవేశించాయని ఐఎండీ తెలిపింది. పశ్చిమ బెంగాల్, సిక్కిం, అస్సాం, మేఘాలయ, అరుణాచల్ ప్రదేశ్, నాగాలాండ్, గోవా, మహారాష్ట్ర, కర్ణాటక, కేరళ, తమిళనాడు, తెలంగాణలో భారీ నుంచి అతి భారీ వర్షపాతం నమోదవుతాయని తెలిపింది. ఈ రాష్ట్రాల ప్రజలు అప్రమత్తంగా ఉండాలని సూచించింది. అలాగే మధ్యప్రదేశ్, జార్ఖండ్, బీహార్, ఒడిశా, పంజాబ్, హర్యానా మరియు హిమాచల్ ప్రదేశ్‌లలో కూడా వర్షాలు కురిసే ఛాన్స్ ఉందని చెప్పింది.

హైదరాబాద్‌లో ఒక్కసారిగా వాతావరణం మారిపోయింది. నగరంలో పలుచోట్ల భారీ వర్షం కురుస్తోంది. వనస్థలిపురం, ఎల్బీనగర్, హయత్‌నగర్, నాగోల్, కొత్తపేటలో వర్షం పడుతోంది. రెమాల్ తుపాను, ఉపరితల ఆవర్తనంతో..ఉరుములు, మెరుపులు, ఈదురుగాలులతో కూడిన వాన పడుతోంది. 

వికారాబాద్, భువనగిరి జిల్లాలకు వాతావరణ శాఖ అధికారులు ఆరెంజ్ అలర్ట్ జారీ చేశారు. మరో వైపు సంగారెడ్డి, రంగారెడ్డి, నల్గొండ, సూర్యాపేట, నారాయణపేట, మహబూబ్‌నగర్, గద్వాల, వనపర్తి, నాగర్‌కర్నూలు, నల్గొండ జిల్లాలకు ఎల్లో అలర్ట్ జారీ చేశారు. ప్రజలు అప్రమత్తంగా ఉండాలని అధికారులు హెచ్చరించారు.

విశ్వంభర, కామారెడ్డి : ఉదయం నుంచి ఎండ తీవ్రతను చూపించిన భానుడు సాయంత్రానికి కాస్తా చల్లబడ్డాడు. ఆదివారం సాయంత్రానికి రాష్ట్రంలోని పలు జిల్లాలో వర్షం కురుస్తుండగా... మరికొన్ని ప్రాంతాల్లో దట్టంగా మబ్బులు కమ్ముకున్నాయి. ఈ క్రమంలోనే కామారెడ్డిలో జిల్లా కేంద్రంలో భారీ వర్షం పడింది. దీంతో జిల్లా కేంద్రంలోని ఈవీఎం పంపిణీ కేంద్రం నుంచి ఈవీఎంలను నియోజకవర్గాలకు తరలిస్తుండగా ఒక్కసారిగా భారీ వర్షం పడింది. దీంతో టెంట్లు, ఇతర ఎన్నికల సామాగ్రి తడిచిపోయాయి. డిస్ట్రిబ్యూషన్ సమయంలో భారీ వర్షం కురవడంతో పోలింగ్ సిబ్బంది అవస్థలు పడుతున్నారు.