Hyderabad Bonalu: హైదరాబాద్‌లో ప్రసిద్ధి చెందిన అక్కన్న మాదన్న బోనాల ఉత్సవాలు భక్తిశ్రద్ధలతో ఘనంగా జరుగుతున్నాయి. ఆషాఢ మాసం బోనాల ఉత్సవాల్లో భాగంగా నిర్వహించిన ఘటం ఊరేగింపులో హైదరాబాద్ సీపీ వి.సి. సజ్జనార్ ఐపీఎస్ పాల్గొన్నారు. ఈ సందర్భంగా అమ్మవారిని దర్శించుకుని ప్రత్యేక పూజలు నిర్వహించారు. నగర ప్రజలు ఆయురారోగ్యాలతో, సుఖసంతోషాలతో వర్ధిల్లాలని, హైదరాబాద్‌లో శాంతి, సౌభాగ్యం నెలకొనాలని అమ్మవారిని ప్రార్థించినట్లు సజ్జనార్ తెలిపారు.

బోనాల ఉత్సవాల్లో భాగంగా నిర్వహించిన ఘటం ఊరేగింపు భక్తులను విశేషంగా ఆకట్టుకుంది. పెద్ద సంఖ్యలో భక్తులు, పోలీసు అధికారులు, సిబ్బంది ఈ కార్యక్రమంలో పాల్గొన్నారు. తెలంగాణ సంస్కృతి, సంప్రదాయాలకు ప్రతీకగా నిలిచే బోనాల పండుగను భక్తులు అత్యంత భక్తిశ్రద్ధలతో నిర్వహిస్తున్నారు. ఈ ఆధ్యాత్మిక వేడుకలో భాగస్వామి కావడం ఎంతో సంతోషంగా ఉందని సజ్జనార్ పేర్కొన్నారు.