Baramati Airfield: పుణె జిల్లాలోని బరామతి ఎయిర్‌ఫీల్డ్‌లో మరో విమానం రన్‌వే నుంచి పక్కకు దూసుకెళ్లిన ఘటన చోటుచేసుకుంది. శిక్షణలో భాగంగా ప్రయాణిస్తున్న VT-SEX రిజిస్ట్రేషన్ కలిగిన ట్రైనింగ్ విమానం రన్‌వే నుంచి బయటకు వెళ్లినట్లు పుణె రూరల్ ఎస్పీ సందీప్ సింగ్ గిల్ తెలిపారు. ఈ ఘటనలో విమానంలో ఉన్న కెప్టెన్ చిరాగ్ శశికాంత్ డోయ్‌ఫోడే, క్యాడెట్ అభిజీత్ జుంద్రే సురక్షితంగా ఉన్నారు. ప్రమాదంలో ఎవరికీ ఎలాంటి గాయాలు కాలేదని అధికారులు వెల్లడించారు.

శిక్షణా కార్యక్రమంలో భాగంగా విమానం రన్‌వే-29పై టేకాఫ్‌కు ప్రయత్నించిన సమయంలో రెండుసార్లు టేకాఫ్‌ను నిలిపివేసినట్లు సమాచారం. అనంతరం మరోసారి టేకాఫ్‌కు ప్రయత్నించిన సమయంలో విమానం రన్‌వే-29 థ్రెషోల్డ్‌ను దాటి పక్కకు వెళ్లినట్లు తెలుస్తోంది. విమానం రన్‌వేపై నుంచి పేవ్డ్ సర్ఫేస్‌ను వదిలి బయటకు వెళ్లడంతో అక్కడ ఉన్న సిబ్బంది అప్రమత్తమయ్యారు.

ఘటనపై సమాచారం అందుకున్న అధికారులు వెంటనే స్పందించి విమానాన్ని పరిశీలించారు. విమానంలో ఉన్న ఇద్దరూ సురక్షితంగా బయటపడటంతో పెను ప్రమాదం తప్పింది. శిక్షణ సమయంలో వరుసగా టేకాఫ్ ప్రయత్నాలు, వాటిని నిలిపివేసిన అనంతరం విమానం రన్‌వే నుంచి బయటకు వెళ్లడానికి గల కారణాలపై అధికారులు దర్యాప్తు చేపట్టారు. విమానం సాంకేతిక పరిస్థితి, రన్‌వే పరిస్థితులు, శిక్షణా ప్రక్రియకు సంబంధించిన అంశాలను పరిశీలిస్తున్నట్లు సమాచారం. ఘటనకు సంబంధించిన పూర్తి వివరాలు దర్యాప్తు అనంతరం వెల్లడికానున్నాయి.

పుణే కారు ప్రమాద ఘటనలో బిగ్ ట్విస్ట్ చోటుచేసుకుంది. ప్రమాద సమయంలో కారును నడిపింది తన కొడుకు కాదని డ్రైవర్ అని మైనర్ బాలుడి తండ్రి విశాల్ అగర్వాల్ తెలిపారు. డ్రైవర్ కూడా తానే కారు నడిపినట్లు పోలీసులు ముందు అంగీకరించాడు. మైనర్ స్నేహితులు కూడా డ్రైవరే కారు నడిపాడని చెప్పారు. పుణేలో గత ఆదివారం తెల్లవారుజామున 3.15గంటలకు పోర్సే కారు వేగంగా వచ్చింది. తన ముందు ఉన్న బైక్‌ను వేగంగా ఢీ కొట్టింది. 

కారు ఢీ కొనడంతో బైక్‌పై ఉన్న ఇద్దరు ఎగిరిపడి స్పాట్‌లోనే మృతిచెందారు. కళ్యాణినగర్ ప్రాంతంలో పబ్‌లో మద్యం సేవించిన 17 ఏళ్ల బాలుడు గంటకు 200 కి.మీ. వేగంగా వెళ్తున్న పోర్షే కారు డ్రైవ్ చేసుకుంటూ వచ్చాడు. మధ్యప్రదేశ్‌కు చెందిన అనీష్ అవధియా, అశ్విని కోష్ట అనే ఇద్దరు ఐటీ నిపుణులను ఢీకొట్టింది. అశ్విని 20 అడుగుల మేర గాలిలోకి ఎగిరి పడిపోయాడు. అనీష్‌ను ఆగి ఉన్న కారులోకి విసిరివేసినట్లు ప్రత్యక్ష సాక్షులు తెలిపారు. నిందితుడి తండ్రి రియల్ ఎస్టేట్ డెవలపర్ కొడుకుని పోలీసులు గుర్తించారు. 

అయితే గంటల వ్యవధిలోనే బెయిల్‌పై బయటికి తెచ్చాడు. నిందితుడికి కోర్టు బెయిల్ మంజూర్‌పై విమర్శలు వెల్లువెత్తాయి. ఈ క్రమంలో తాజాగా ఈ కేసు కొత్త మలుపు తిరిగింది. కారు నడిపింది తన కుమారుడు కాదని, తమ డ్రైవర్ అని బాలుడి తండ్రి విశాల్ అగర్వాల్ చెప్పడం పలు విమర్శలకు దారితీస్తోంది. ప్రమాదానికి సంబంధించి వీడియో ఆధారిత సాక్ష్యాధారాలు ఉన్నప్పటికీ ఈ కేసు నుంచి మైనర్‌‌ను తప్పించేందుకే డ్రైవర్‌ను ఇరికించారనడంలో ఎలాంటి సందేహం లేదని నెటిజన్లు అంటున్నారు.