విశ్వంభర, నేషనల్ బ్యూరో: ఐటీ సిటీ ప్రయాణికులకు కర్ణాటక హైకోర్టు తీపి కబురు అందించింది. గత కొంతకాలంగా రాష్ట్రంలో బైక్ ట్యాక్సీ సేవలపై ఉన్న నిషేధాన్ని ఎత్తివేస్తూ హైకోర్టు డివిజన్ బెంచ్ శుక్రవారం కీలక ఆదేశాలు జారీ చేసింది. గతేడాది జూన్‌లో సింగిల్ బెంచ్ ఇచ్చిన తీర్పును పక్కనపెట్టిన న్యాయస్థానం, కొన్ని నిబంధనలతో ఈ సేవలను పునరుద్ధరించవచ్చని స్పష్టం చేసింది. ఇకపై బైక్ ట్యాక్సీలను సాధారణ వాహనాలుగా కాకుండా, వాణిజ్య వాహనాలుగా పరిగణించాలని కోర్టు ఆదేశించింది. బైక్ ట్యాక్సీలుగా నడపాలనుకునే వాహన యజమానులు రవాణా శాఖ నుండి అధికారికంగా లైసెన్స్‌ల కోసం దరఖాస్తు చేసుకోవాలి. ఓలా, ఉబెర్, రాపిడో వంటి అగ్రిగేటర్లు కొత్త నిబంధనల ప్రకారం తమ దరఖాస్తులను సమర్పించుకోవడానికి కోర్టు గ్రీన్ సిగ్నల్ ఇచ్చింది.

2025 జూన్‌లో కర్ణాటక హైకోర్టు సింగిల్ బెంచ్ ఆదేశాలతో రాష్ట్రవ్యాప్తంగా బైక్ ట్యాక్సీ సేవలు నిలిచిపోయాయి. దీనివల్ల వేలాది మంది బైక్ రైడర్లు ఉపాధి కోల్పోగా, ప్రయాణికులు తీవ్ర ఇబ్బందులు పడ్డారు. దీనిపై అగ్రిగేటర్ సంస్థలు డివిజన్ బెంచ్‌ను ఆశ్రయించగా, సుదీర్ఘ విచారణ అనంతరం న్యాయస్థానం ఈ నిర్ణయం తీసుకుంది. హైకోర్టు తీర్పుపై కర్ణాటక రవాణా శాఖ మంత్రి రామలింగారెడ్డి స్పందించారు. కోర్టు తీర్పును తాము గౌరవిస్తామని.. దీనిపై శాఖాపరమైన చర్చలు జరిపిన తర్వాత ప్రభుత్వం తరఫున తుది నిర్ణయం తీసుకుంటామని స్పష్టం చేశారు.

విశ్వంభర, నేషనల్ బ్యూరో: పొగాకు రహిత రాష్ట్రంగా ఒడిశాను తీర్చిదిద్దేందుకు రాష్ట్ర ప్రభుత్వం కీలక నిర్ణయం తీసుకుంది. రాష్ట్రవ్యాప్తంగా నికోటిన్ కలిగిన గుట్కా, పాన్ మసాలా వంటి ప్రాణాంతక ఉత్పత్తుల తయారీ, విక్రయాలపై తక్షణమే పూర్తిస్థాయి నిషేధం విధిస్తూ ఒడిశా ఆరోగ్య, కుటుంబ సంక్షేమ శాఖ ఉత్తర్వులు జారీ చేసింది. ఈ మేరకు గుట్కా, పాన్ మసాలా, జర్ధా, ఖైనీ, నికోటిన్ కలిగిన పొగాకు ఉత్పత్తుల తయారీ, నిల్వ, రవాణా, విక్రయాలపై నిషేధం విధించింది.

ఒడిశాలో ప్రజారోగ్యంపై నిర్వహించిన ఒక తాజా సర్వేలో విస్తుపోయే నిజాలు వెల్లడయ్యాయి. ఒడిశాలో సుమారు 42 శాతానికి పైగా పౌరులు సిగరెటేతర పొగాకు ఉత్పత్తులను వాడుతున్నట్లు తేలింది. దేశవ్యాప్త సగటుతో పోలిస్తే ఒడిశాలో ఈ వినియోగం ప్రమాదకర స్థాయిలో ఉండటంతో ప్రభుత్వం ఈ నిర్ణయం తీసుకుంది. నోటి క్యాన్సర్ వంటి ప్రాణాంతక వ్యాధులకు ఈ ఉత్పత్తులే ప్రధాన కారణమని వైద్య నిపుణులు హెచ్చరించిన నేపథ్యంలో సర్కార్ అప్రమత్తమైంది.

ప్రభుత్వ విజ్ఞప్తి
"పౌరుల ఆరోగ్యాన్ని కాపాడటమే మా మొదటి ప్రాధాన్యత. పొగాకు వల్ల కలిగే అనర్థాలను గుర్తించి, ప్రజలందరూ వీటికి దూరంగా ఉండాలి. పొగాకు రహిత ఒడిశా నిర్మాణంలో ప్రతి ఒక్కరూ భాగస్వాములు కావాలి" అని ఆరోగ్య శాఖ తన నోటిఫికేషన్‌లో విజ్ఞప్తి చేసింది. నిబంధనలు ఉల్లంఘించే వారిపై కఠిన చట్టపరమైన చర్యలు ఉంటాయని హెచ్చరించింది.

ఎన్నికల సంఘం కీలక ఆదేశాలు జారీ చేసింది. ఆంధ్రప్రదేశ్‌లో బాణసంచా విక్రయాలపై నిషేధం విధించింది. జూన్ 4న ఎన్నికల ఫలితాలు ఉన్న నేపథ్యంలో రాష్ట్ర వ్యాప్తంగా ర్యాలీలు, ఉరేగింపులకు అనుమతులు రద్దు చేసింది. ఎవరైనా ఆంక్షలు ఉల్లంఘిస్తే కఠిన చర్యలు తప్పవని హెచ్చరించింది. 
 
మరోవైపు ఏపీలో కార్డన్ సెర్చ్ ఆపరేషన్ కొనసాగుతోంది. కౌంటింగ్ సమయం దగ్గర పడటంతో పోలీసులు అలర్ట్ అయ్యారు. తనిఖీలు ముమ్మరం చేశారు. పోలింగ్ తర్వాత అల్లర్లలో పాల్గొన్న వారిపై స్పెషల్ ఫోకస్ పెట్టారు. రాష్ట్ర వ్యాప్తంగా 168 సమస్యాత్మక ప్రాంతాలను గుర్తించినట్లు తెలుస్తోంది. 

ఈ క్రమంలో ఆయా ప్రాంతాల్లో పోలీసులు గాలింపు చేపట్టారు. అల్లర్లకు పాల్పడుతున్న వారిపై పోలీసులు కఠిన చర్యలకు దిగారు. 20 మందిపై రౌడీ షీట్స్, 55 మందిపై సస్పెన్షన్ షీట్స్ దాఖలు అయినట్లు పోలీసులు తెలిపారు. 14 మంది అరెస్ట్, నలుగురికి CRPC నోటీసులు ఇచ్చినట్లు వెల్లడించారు.