ఓ బాలుడు సరదా కోసం చేసిన పని చివరకు అతని అరెస్ట్ కు దారి తీసింది. ఉత్తర ప్రదేశ్ లోని మీరట్ కు చెందిన బాలుడు ఈ పని చేశాడు. ఢిల్లీ నుంచి టొరంటో వెళ్తున్న ఎయిర్ కెనడా విమానంలో బాంబ్ ఉందని ఫేక్ మెయిట్ పంపాడు. దాంతో అధికారులు ఉరుకులు, పరుగులతో నానా హైరానా పడ్డారు.

దాంతో విమానం దాదాపు 12 గంటలకు పైగా ఆలస్యం అయింది. ఎలాంటి బాంబ్ లేదని పోలీసులు నిర్ధారించుకున్న తర్వాత అసలు ఆ మెయిల్ ఎక్కడి నుంచి వచ్చిందో కనిపెట్టారు. మీరట్ నుంచి ఓ 13 ఏళ్ల బాలుడు ఈ పని చేసినట్టు గుర్తించారు. టీవీల్లో నకిలీ బాంబ్ కాల్స్ సీన్లు చూసిన అతను.. తాను కూడా అలా చేయాలని అనుకున్నాడు.

ఇందుకోసం ఓ ఫేక్ మెయిల్ ఐడీని క్రియేట్ చేసుకున్నాడు. తన ఫోన్ నుంచి ఈ మెసేజ్ పెట్టాడు. అది గుర్తించిన పోలీసులు.. ఢిల్లీ నుంచే అతనితో మాట్లాడారు. అయితే తర్వాత రోజున బాలుడుని పోలీసులు అదుపులోకి తీసుకున్నారు. అతనికి ప్రస్తుతం కౌన్సెలింగ్ ఇస్తున్నారు. కేవలం సరదా కోసమే చేశానని.. తనను పోలీసులు కనుక్కుంటారో లేదో చూడటం కోసం ఇలా చేశానని సదరు బాలుడు తెలిపారు.

ఇండిగో విమానానికి మరోసారి బాంబు బెదిరింపు వచ్చింది. దీంతో విమానాన్ని ముంబై ఎయిర్ పోర్ట్‌లో అత్యవసరంగా ల్యాండింగ్ చేశారు. అనంతరం విమానాన్ని భద్రతా సిబ్బంది క్షుణ్ణంగా తనిఖీలు నిర్వహించారు. అయితే ఇవి ఫేక్ బాంబు బెదిరింపుగా భద్రత సిబ్బంది నిర్ధారించారు. చెన్నై నుంచి ముంబైకి శనివారం ఉదయం బయల్దేరిన ఇండిగో విమానానికి బాంబు బెదిరింపు కాల్ వచ్చినట్లు ఎయిర్ పోర్టు వర్గాలు తెలిపాయి. 

చెన్నై నుంచి ముంబై వచ్చిన ఈ విమానంలో మొత్తం 172 మంది ప్రయాణికులు ఉన్నారు.  మరోవైపు ఆ విమానం‌లో బాంబు లేకపోవడంతో చెన్నై‌కు ఆ విమాన సర్వీస్‌ను ఏర్పాటు చేశారు. అందులోభాగంగా విమానాన్ని ఎయిర్ పోర్ట్‌ టెర్మినల్ వద్దకు తీసుకువచ్చారు.  ఇక ఈ వారంలో ఇండిగో విమానానికి ఇది రెండో బాంబు బెదిరింపు అని ఆ సంస్థ గుర్తు చేసింది. గత నెల మే 28వ తేదీ ఢిల్లీ నుంచి వారణాసి బయలుదేరిన ఇండిగో విమానానికి బాంబు బెదిరింపు వచ్చింది. ఈ ఏడాది ఏప్రిల్‌లో నాగపూర్, జైపూర్, గోవా ఎయిర్‌పోర్టులకు బాంబు బెదిరింపులు వచ్చాయి.

ఇండిగో విమానానికి మరోసారి బాంబు బెదిరింపు కాల్ వచ్చింది. ఢిల్లీ ఎయిర్‌పోర్టులో ఉదయం 5.35కు విమానంలో బాంబు ఉందంటూ బెదిరింపు కాల్ వచ్చినట్లు విమాన సిబ్బంది తెలిపారు. ఢిల్లీ నుంచి వారణాసి వెళ్లాల్సి ఉండగా బాంబ్ బెదిరింపు కాల్ రావడంతో విమానాన్ని అత్యవసరంగా ల్యాండ్‌ చేశారు. ఎమర్జెన్సీ విండో నుంచి ప్రయాణికులను కిందికి దించేశారు. విమానంలోని ప్రయాణికులంతా క్షేమంగానే ఉన్నారు. 

విషయం తెలుసుకున్న పోలీసులు, బాంబ్‌ స్క్వాడ్‌తో ఢిల్లీ ఎయిర్‌పోర్టుకు చేరుకున్నారు. ఏవియేషన్‌ సెక్యూరిటీ, బాంబ్‌ డిస్పోజబుల్‌ టీమ్‌ తనిఖీలు చేపడుతోంది. విమానాన్ని ఢిల్లీ ఎయిర్‌పోర్టులోని ఐసోలేషన్‌ బేకు తరలించారు. కాగా గత కొని రోజులుగా దేశ వ్యాప్తంగా బాంబ్ బెదిరింపు కాల్స్, మెయిల్ వస్తున్న విషయం తెలిసిందే.  విమానాన్ని తనిఖీ చేస్తున్నామని ఢిల్లీ ఫైర్ సర్వీస్ అధికారులు వెల్లడించారు. ఈ ఘటనపై కేసు నమోదు చేసుకున్న పోలీసులు దర్యాప్తు చేస్తున్నారు.

విశ్వంభర, ఢిల్లీ ; ఇటీవల వరసగా దేశంలోని పలు నగరాలకు బాంబు బెదిరింపులు వస్తున్నాయి. ఈ నెల ప్రారంభంలో ఢిల్లీలోని దాదాపు 150 స్కూళ్లకు బూటకపు బాంబు బెదిరింపులు వచ్చాయి. తాజాగా కేంద్ర హోం మంత్రిత్వ శాఖకు బాంబు బెదిరింపులు వచ్చాయి. 

దీంతో అప్రమత్తమైన భద్రతా బలగాలు సెర్చ్ ఆపరేషన్ ప్రారంభించి, ఏం లేదని తేల్చారు. న్యూఢిల్లీ ఏరియాలోని నార్త్ బ్లాక్ పోలీస్ కంట్రోల్ రూంకు బెదిరింపు మెయిల్ వచ్చింది. హోంశాఖ భవనం వద్దకు రెండు ఫైర్ ఇంజన్లను పంపించారు.

కేంద్ర హోం మంత్రి అమిత్ షా నియంత్రణలో ఉన్న హోం మంత్రిత్వ శాఖను పేల్చేస్తామని బెదిరింపు మెయిల్ వచ్చింది. దీంతో హోం శాఖ కొలువుదీరిన నార్త్ బ్లాక్‌లో పోలీసులు సోదాలు నిర్వహించారు. అయితే అనుమానాస్పదమైంది ఏదీ కనిపించలేదని తెలుస్తోంది. మధ్యాహ్నం 3 గంటల సమయంలో బెదిరింపు మెయిల్ గురించి పోలీసులకు సమాచారం అందింది.