తూర్పు గోదావరి జిల్లా కొవ్వూరు టీడీపీ మాజీ ఎమ్మెల్యే పెండ్యాల వెంకటకృష్ణరావు (కృష్ణ బాబు) అనారోగ్యంతో మృతి చెందారు. ఆయన గత కొన్నిరోజులుగా అనారోగ్యంతో హైదరాబాద్‌‌లోని ఓ ప్రైవేటు ఆసుపత్రిలో చికిత్స పొందతున్నారు. అయితే, ఇవాళ (మంగళవారం) మధ్యాహ్నం తుదిశ్వాస విడిచారని కుటుంబ సభ్యులు తెలిపారు. 

ఈ మేరకు ఆయన పార్థీవ దేహాన్ని బుధవారం సాయంత్రం స్వగ్రామం దొమ్మెరుకు తీసుకువెళ్లనున్నట్లు కుంటుంబ సభ్యులు తెలిపారు. దాదాపు 5 సార్లు కొవ్వూరు ఎమ్మెల్యేగా కృష్ణబాబు పనిచేశారు. తెలుగుదేశం ఆవిర్భావం నుంచి 1983, 1985, 1989, 1994, 2004లో ఐదుసార్లు ఆయన ఎమ్మెల్యేగా విజయం సాధించారు. ఆయన మృతిపట్ల టీడీపీ అధినేత చంద్రబాబు సంతాపం వ్యక్తం చేశారు.