విశ్వంభర న్యూస్ కొత్తూరు : -  మనిషికి ఆక్సిజన్ అందించే చెట్లను పెంచడం కోసం ప్రతి ఒక్కరు కృషి చేయాలని కొత్తూరు  మున్సిపాలిటీ 9వ వార్డు కౌన్సిలర్ మాదారం నరసింహ గౌడ్  పేర్కొన్నారు. తెలంగాణ రాష్ట్ర ప్రభుత్వం ఎంతో ప్రతిష్టాత్మకంగా చేపట్టిన వన మహోత్సవ కార్యక్రమంలో భాగంగా గురువారం  నాడు కొత్తూరు  మున్సిపాలిటీ కేంద్రంలో  తొమ్మిదవ  వార్డులో సీడ్  మొక్కలను కొత్తూరు  మున్సిపాలిటీ గ్రీన్ బడ్జెట్ ద్వారా ప్రతి ఇంటికి ఉచితంగా తొమ్మిదో వార్డ్ కౌన్సిలర్ మాదారం నరసింహ గౌడ్  మొక్కలను అందజేశారు, ఈ సందర్భంగా కౌన్సిలర్  మాట్లాడుతూ ప్రకృతి నీ కాపాడుకోవడానికి ప్రతి ఒక్కరూ మొక్కలు నాటాలని ఆయన పిలుపునిచ్చారు. మనిషి మనుగడకు చెట్లు ఎంతో కీలకమని ఆయన ప్రజలకు తెలియజేశారు. రాబోయే రోజుల్లో చెట్లు లేకుంటే ప్రకృతి వైపరీత్యాలను ఎదుర్కోవాల్సిన పరిస్థితి ఏర్పడుతుందని ఆయన వివరించారు. ఈ కార్యక్రమంలో 9వ వార్డు సూపర్వైజర్ దాసరి శ్రీనివాస్, విజయ్, అంగన్వాడీ టీచర్లు ఉమాదేవి,  మహిళలు సంఘం  సభ్యులు  మాదారం హైమావతి, స్వరూప, జాంగిర్ బి, తస్లీమ్, కాలనీవాసులు  సత్యనారాయణ గౌడ్, సుదర్శన్ చారి, సంఘాలు  గ్రామ ప్రజలు యువకులు పాల్గొన్నారు.

విశ్వంబర ,సరూర్ నగర్  : -  సరూర్ నగర్ డివిజన్ వేంకటేశ్వర కాలనీ లో అసోసియేషన్ ఆధ్వర్యంలో ఏర్పాటు చేసిన చెత్త సేకరించే రిక్షా ను సరూర్ నగర్ సర్కిల్ డిప్యూటీ కమీషనర్ సుజాత ప్రారంభించారు. ఈ సందర్భగా ఆమె మాట్లాడుతూ కాలనీ అసోసియేషన్ సభ్యులను అభినందిచారు. ప్రతి ఒక్కరు కాలనీ పరిశుభ్రత కొరకు సహకరించాలని కోరారు. ఈ కార్య్రమంలో శానిటేషన్ ఇన్చార్జి నీలిమ, ఎస్ ఎఫ్ ఏ శ్రీను, కాలనీ ఇన్చార్జి ప్రెసిడెంటు మారోజు శ్రీనివాస రావు , కోశాధికారి సాయి కిరణ్, మధుసూదన్ రెడ్డి, విజయ కుమార్,   నరేష్, సుధాకర చారి, ఎం వి ఎస్ ప్రసాద్, మురళీ కౌండిన్య , కనకారావు, వెంకట సాయి, తదితరులు పాల్గొన్నారు