ఫోన్ ట్యాపింగ్ కేసులో నిందితుడైన మాజీ డీసీపీ రాధాకిషన్ రావుకు కోర్టు మధ్యంతర బెయిల్‌ను మంజూరు చేసింది. ఆయన తల్లి సరోజినీదేవి ఆదివారం రాత్రి కరీంనగర్‌లో ఓ ఆసుపత్రిలో చికిత్స పొందుతూ మరణించారు. దీంతో అంత్యక్రియల్లో పాల్గొనేందుకు మంగళవారం సాయంత్రం ఆరు గంటల వరకు న్యాయస్థానం మధ్యంతర బెయిల్ ఇచ్చింది. ఎస్కార్ట్‌తో కూడిన బెయిల్‌ను ఇచ్చింది.

తెలంగాణలో సంచలనంగా మారిన ఫోన్ ట్యాపింగ్ కేసులో తవ్వే కొద్ది కొత్త అంశాలు వెలుగులోకి వస్తున్నాయి. రాధాకిషన్‌ రావు కన్ఫెషన్ స్టేట్ మెంట్‌లో మరోసారి సంచలనం బయటకొచ్చింది. గతంలో బీజేపీకిలో కొంతం మంది బీఆర్ఎస్ ఎమ్మెల్యేలు వెళ్లేందుకు ప్రయత్నించారు. ఈ విషయం పొక్కడంతో.. అప్పటి ప్రభుత్వం వారి ఫోన్లను ట్యాప్ చేసిందని తేలింది. ప్రభాకర్ రావు గైడెన్స్‌లో ఆయన టీం బీఆర్ఎస్ ఎమ్మెల్యేల ఫోన్లను ట్యాప్ చేసినట్టు తెలుస్తోంది. 

మధ్యవర్తి నందు ఫోన్లు ట్యాప్ చేయడంతో ఎమ్మెల్యేల కొనుగోలు వ్యవహారం బయటకు వచ్చిందని తేలింది. దీంతో.. ప్రభాకర్ రావు పెద్ద ఎత్తున స్పై కెమెరాలు, ఆడియో డివైజ్‌లను కొనుగోలు చేశారు. రోహిత్ రెడ్డితో పాటు కొంత మంది బీజేపీలోకి వెళ్లేందుకు ప్రయత్నిస్తున్నట్లు ఫోన్ ట్యాపింగ్ ద్వారా తెలుసుకున్నారు. ఎమ్మెల్యేల కొనుగోలు కేసులో బీజేపీ కీలక నేత బీఎల్ సంతోష్‌ను అరెస్ట్ చేయడానికి ప్రయత్నించారు. దీనికి సంబంధించి కేసీఆర్ ఆదేశాలు కూడా జారీ చేశారు. 

అయితే, బీఎస్ సంతోష్ ను అరెస్ట్ చేసి.. ఆ కేసును అడ్డంపెట్టుకొని లిక్కర్ కేసులో కవితను కాపడటానికి ప్రయత్నించాలని ప్లాన్ చేశారు. పైలెట్ రోహిత్ రెడ్డి ఆడియోలను ముందు పెట్టి ఎమ్మెల్యేల కొనుగోలుకు బీఆర్ఎస్ తెర దించింది. కానీ.. . బీఎల్ సంతోష్‌ను అరెస్ట్ చేయడం కుదరలేదు. దీంతో కేసీఆర్ ఆగ్రహం వ్యక్తం చేశారు. ఫోన్ ట్యాపింగ్ అంశంపై ఇప్పుడు బీజేపీ, బీఆర్ఎస్ ఎలా స్పందిస్తారో చూడాలి.

తెలంగాణలోని సంచలనంగా మారిన ఫోన్‌ ట్యాపింగ్‌ కేసులో కీలక పరిణామం చోటు చేసుకుంది. కేసులో ఒక పోలీస్ స్టేషన్ నుంచి మరో స్టేషన్‌కు బదిలీ చేశారు. ఇంత వరకూ ఈ కేసును బంజారాహిల్స్‌ పోలీసులు విచారించారు. ఇప్పుడే కేసును జూబ్లీహిల్స్‌ పోలీస్‌ స్టేషన్‌కు మార్చారు. బంజారాహిల్స్‌ పోలీసులు ఈ కేసులో నిందితుడు రాధాకిషన్‌రావు నుంచి కీలక సమాచారాన్ని రాబట్టారు. కానీ.. మరి కేసును ఎందుకు వేరే స్టేషన్‌కు మార్చాల్సి వచ్చిందో అనేదానిపై దర్యాప్తు అధికారులు స్పష్టత ఇవ్వలేదు.

మరోవైపు ఫోన్‌ ట్యాపింగ్‌ కేసులో పోలీసులు దూకుడు ప్రదర్శిస్తున్నారు. 

దర్యాప్తు అధికారులు ఇప్పటికే కీలక ఆధారాలను సేకరించారు. ఈ క్రమంలో మరిన్ని అరెస్టులు జరగొచ్చని ప్రచారం జరుగుతోంది. ఇప్పటికే ఈ ఫోన్ ట్యాపింగ్ వ్యవహారంతో సంబంధం ఉన్న పోలీసులను దర్యాప్తు అధికారులు అరెస్ట్ చేసి విచారిస్తున్నారు. అయితే, ఇప్పుడు మరికొంత మంది పోలీసులతో పాటు ప్రైవేట్‌ వ్యక్తులను కూడా అరెస్ట్‌ చేయడానికి రంగం సిద్ధం అవుతోంది. 

ఫోన్ ట్యాపింగ్, స్పెషల్ ఇంటెలిజెన్స్ లాకర్ రూమ్ ధ్వంసం చేసిన కేసులో ప్రభాకర్ రావు భారత్ వచ్చేందుకు సిద్ధమయ్యారు. నిజానికి ఆయన జూన్ 26న ఇండియాకు రావడానికి ప్లాన్ చేసుకున్నారు. కానీ ఓ వైపు రెడ్ కార్నర్ నోటీసులు, మరోవైపు కేసు తీవ్రత పెంచడంతో ఈ నెల ఆఖరునే వచ్చేందుకు ప్రభాకర్ రావు ఏర్పాట్లు చేసుున్నారని సమాచారం.

రెడ్ కార్నర్ నోటీసులకు సంబంధించిన సమాచారం ఇప్పటికే ఇమ్మిగ్రేషన్, ఇంటర్‌పోల్‌కు అందింది. దీంతో.. ప్రభాకర్ రావు ఇండియా వస్తే ఆయన్ని ఇమ్మిగ్రేషన్ అధికారులు విమానాశ్రయంలోనే వారిని అదుపులోకి తీసుకుంటారు. ఆ తర్వాత పోలీసులకు అప్పగిస్తారు. ఇదంతా ఒక ఎత్తైతే.. ఈకేసు బంజారాహిల్స్‌ నుంచి జూబ్లీహిల్స్‌ పోలీస్‌ స్టేషన్‌కు మార్చడం సంచలనంగా మారింది.