సినీ నటి హేమ ఈ నడుమ వరుసగా వార్తల్లో ఉంటుంది. ఆమెకు సంబంధించిన చిన్న విషయం కూడా ఇప్పుడు ఓ రేంజ్ లో వైరల్ అవుతోందనే చెప్పుకోవాలి. ఇక తాజాగా ఆమె జైలు నుంచి బయటకు వచ్చారు. బెంగుళూరు రేవ్ పార్టీ డ్రగ్స్ కేసులో ఆమె అరెస్ట్ అయి జైలుకు వెళ్లిన సంగతి తెలిసిందే. అయితే ఆమెకు గురువారం షరతులతో కూడిన బెయిల్ ను మంజూరు చేశారు. 

దాంతో తాజాగా ఆమెను జైలు నుంచి విడుదల చేశారు. కొన్ని రోజుల క్రితం బెంగుళూరులోని శివారులో ఫామ్ హౌస్ లో జరిగిన రేవ్ పార్టీలో హేమ మాదకద్రవ్యాలు సేవించిందని పోలీసుల పరీక్షల్లో తేలింది. దాంతో ఆమెను అరెస్ట్ చేశారు. ముందు తాను అసలు ఏ రేవ్ పార్టీకి వెళ్లలేదంటూ బుకాయించే ప్రయత్నాలు చేసింది. 

కానీ పోలీసులు ఆధారాలతో ఆమె డ్రగ్స్ తీసుకుందని బయటపెట్టడంతో ఆమె అడ్డంగా బుక్కయింది. ఇక కోర్టు 14 రోజుల రిమాండ్ విధించింది. కానీ గురువారం ఆమెకు షరతులతో కూడిన బెయిల్ రావడంతో బయటకు వచ్చింది. హేమ డ్రగ్స్ తీసుకున్నట్టు పోలీసుల వద్ద ఎలాంటి ఆధారాలు లేవని.. ఆమె తరపున న్యాయవాది వాదించారు. ఇరుపక్షాల వాదనలు విన్న తర్వాత కోర్టు ఆమెకు బెయిల్ మంజూరు చేసింది.  

బెంగళూరు రేవ్ పార్టీ కేసులో టాలీవుడ్ నటి హేమ అరెస్ట్ అయిన విషయం తెలిసిందే. తాజాగా ఈ కేసులో హేమకు ఊరట లభించింది. బెంగళూరు స్పెషల్ కోర్టు ఆమెకు షరతులతో కూడిన బెయిల్ మంజూరు చేసింది. ప్రస్తుతం జ్యుడిషియల్ కస్టడీలో భాగంగా హేమ పరప్పన అగ్రహార జైల్లో ఉంది. బెయిల్ లభించిన నేపథ్యంలో ఆమె జైలు నుంచి బయటికి రానుంది. 

బెంగళూరు పోలీసులు మరికొంతమంది టాలీవుడ్ సెలబ్రిటీలను ఈ పార్టీకి తరలించే ప్రయత్నం చేసినట్లు ధ్రువీకరించారు. దీంతో విచారణకు హాజరు కావాలని నోటీసులు కూడా పంపించారు. తొలిసారి జారీ చేసిన నోటీసులకు అనారోగ్య కారణాలతో హేమ విచారణకు హాజరు కాలేదు. దీంతో రెండోసారి కూడా బెంగళూరు పోలీసులు నోటీసులు జారీ చేశారు. అప్పుడు బుర్ఖా ధరించి విచారణకు హాజరైంది హేమ. ఆ తర్వాత కోర్టు ఆమెకు 14 రోజుల పాటు జ్యుడిషియల్ కస్టడీ విధించింది. 

ఆ తర్వాత మూవీ ఆర్టిస్ట్ అసోసియేషన్ కూడా హేమ సభ్యత్వాన్ని రద్దు చేసింది. తాజాగా హేమకు బెయిల్ మంజూరు కావడంతో హేమకు కాస్త ఊరట లభించినట్లైంది. ఇవాళ బెయిల్ పిటిషన్ విచారణ సందర్భంగా హేమ తరఫున న్యాయవాది వాదనలు వినిపించారు. హేమ నుంచి ఎలాంటి మాదకద్రవ్యాలు లభించలేదని, చాలా రోజుల తర్వాత వైద్య పరీక్షలు నిర్వహించామని హేమ తరఫు న్యాయవాది మహేష్ కిరణ్ శెట్టి వాదించారు. దీంతో షరతులతో కూడిన బెయిల్ మంజూరు చేయాలని కోర్టు ఆదేశించింది.

నటి హేమ వ్యవహారంఇప్పుడు ఇండస్ట్రీలో చర్చనీయాంశంగా మారిపోయింది. ఆమె నిత్యం వివాదాల్లో చిక్కుకుంటూనే ఉంది. ఇక తాజాగా ఆమె రేవ్ పార్టీలో అడ్డంగా దొరికిపోవడం, డ్రగ్స్ తీసుకున్నట్టు నిరూపణ కావడంతో ఆమెను కర్ణాటక పోలీసులు అరెస్ట్ చేయగా.. కోర్టు ఆమెకు రిమాండ్ విధించింది. ప్రస్తుతం ఆమె జైల్లో ఉన్నారు. 

అయితే ఆమె మా అసోసియేషన్ సభ్యత్వం రద్దు చేయాలంటూ డిమాండ్ వస్తోంది. ఎందుకంటే మా అధ్యక్షుడు మంచు విష్ణు మొన్న మాట్లాడుతూ.. హేమ తప్పుచేసినట్టు నిరూపణ అయితే ఆమెపై చర్యలు తీసుకుంటామన్నారు. కాబట్టి ఇప్పుడు ఆమెపై చర్యలు తీసుకోవాలే డిమాండ్ బాగా వచ్చింది.

దాంతో ఇప్పుడు ఆమెపై మా అసోసియేషన్ చర్యలు తీసుకుంది. ఆమెను మా నుంచి సస్పెండ్‌ చేయడమే కాదు ఆమె సభ్యత్వాన్ని కూడా రద్దు చేసినట్టు మా అధ్యక్షుడు మంచు విష్ణు అధికారికంగా వెల్లడించారు. ఆమె గతంలో మా అసోసియేషన్ ఉపాధ్యక్ష పదవికి ఇండిపెండెంట్ గా పోటీ చేసి గెలిచింది. మొన్న జరిగిన ఎలక్షన్లలో ప్రకాశ్ రాజ్ ప్యానెల్ నుంచి పోటీ చేసి ఓడిపోయింది. ఇప్పుడు ఆమెను సస్పెండ్ చేయడంతో ఆమె పదవి, సభ్యత్వం రెండూ పోయాయి. 

రేవ్ పార్టీ కేసులో నటి హేమకు మరోసారి పోలీసులు నోటీసులు జారీ చేశారు. హేమతో పాటు మరో 8 మందికి పంపినట్టు తెలుస్తోంది. జూన్ 1న విచారణకు హాజరుకావాలని బెంగళూరు సీసీబీ పోలీసులు ఆదేశించారు. ఈ కేసులో ఇది వరకే హేమకు పోలీసులు నోటీసులు జారీ చేశారు. మే 27న హాజరుకావాలని తెలిపారు. కానీ, ఆరోగ్యం బాలేదని.. విచారణకు హాజరు కాలేనని ఆమె పోలీసులకు లెటర్ రాశారు.  

రేవ్ పార్టీకి హేమ హాజరైనట్టు.. అక్కడ ఆమె డ్రగ్స్ తీసుకున్నట్టు పోలీసులు గుర్తించారు. ఆమెతో పాటు 86 మంది రేవ్ పార్టీలో డ్రగ్స్ వాడినట్లు ఇటీవల తేల్చారు. దీంతో ఈ కేసు విచారణలో పోలీసులు దూకుడు పెంచారు. మొదటి నుంచి హేమ తప్పించుకునే ప్రయత్నం చేస్తున్నారు. మొదట ఆమె అసలు రేవ్ పార్టీకి హాజరుకాలేదని చెప్పారు. హాజరుకాలేదని.. తన పేరు ఎందుకు వస్తుందో తెలియదని ఓ వీడియో రిలీజ్ చేశారు. అయితే, ఆమె హాజరైనట్టు పోలీసులు ఫోటోను రిలీజ్ చేసి ఆధారాలు బయట పెట్టారు. ఆ తర్వాత హేమ మీడియాపై చిందులు వేశారు. 

ఇక.. విచారణకు రావాలని ఆమెను పోలీసులు ఆదేశిస్తూ నోటీసులు పంపారు. కానీ, ఆమె హాజరు కాలేదు. జర్వం కారణంగా హాజరుకాలేనని చెప్పారు. ఆ తర్వాత ఆమె ఓ వీడియో రిలీజ్ చేశారు. తప్పు చేయకపోవడానికి మనం ఏమైనా దేవుళ్లుమా? అని అన్నారు. చేసిన తప్పును అంగీకరించాలని ఆమె తెలిపారు. తప్పు నుంచి తప్పుకునే ప్రయత్నం చేస్తే 100 అబద్దాలు ఆడాల్సి వస్తుందని అన్నారు. దీంతో... డ్రగ్స్ తీసుకున్నానని ఆమె ఒప్పుకున్నారని నెటిజన్లు కామెంట్ చేశారు. అయితే, మొదటిసారి విచారణకు హాజరుకాలేదు. న్యాయపోరాటం చేస్తానని కూడా చెప్పారు. మరి ఈసారి హాజరవుతారా? లేదా చూడాలి.

బెంగళూరు రేవ్ పార్టీ కేసు అనేసరికి అందరికి మొదట గుర్తొచ్చేంది నటి హేమ. నిజానికి ఈ కేసు హేమ కారణంగానే ఇంత సంచలనంగా మారిందని చెప్పొచ్చు. ఈ కేసు నుంచి తప్పించుకునేందుకు ఆమె తీవ్రంగా ప్రయత్నించారు. రేవ్ పార్టీలో తాను లేనని నమ్మించేందుకు ప్రయత్నించారు. కానీ.. చివరికి ఆమె బ్లడ్ శాంపిల్స్‌లో డ్రగ్స్ తీసుకున్నట్టు తేలింది. దీంతో.. పోలీసులు ఆమెకు నోటీసులు ఇచ్చారు. ఇవాళ విచారణకు హాజరుకావాల్సి ఉన్నా హాజరుకాలేదు. 

అయితే.. ఆమె ఓ సంచలన వీడియో రిలీజ్ చేశారు. తప్పు చేయడనపు దేనకి భయపడాల్సిన అవసరం లేదని ఆమె చెప్పారు. అలా చెబుతూనే.. తప్పు చేయకుండా ఉండటానికి మనం ఏమైనా దేవుళ్లుమా? అని ప్రశ్నించారు. ఒక తప్పును కవర్ చేయడం కోసం వంద తప్పులు చేయాల్సి వస్తుంది. అందుకే.. తప్పు ఒప్పుకుంటే మంచింది. లేదంటే వంద అబద్దాలు ఆడాల్సి వస్తుంది. అని ఆమె చెప్పారు.

అందుకే తాను హ్యాపీగా ఉన్నానని ఆమె చెప్పారు. థింక్ పాజిటివ్.. మనసులో ఏం పెట్టుకోవద్దన్నారు. ఎవరేమన్నా ఊరుకోవద్దని సూచించారు. ప్రస్తుతం హేమ తన ఫ్యాన్స్‌తో లైవ్‌లో మాట్లాడిన వీడియో సోషల్ మీడియాలో వైరల్ అవుతోంది. తప్పు చేయకుండా ఉండటానికి మనం ఏమైనా దేవుళ్లుమా అని అన్నారంటే ఆమె డ్రగ్స్ తీసుకున్నట్టు ఒప్పుకుంటున్నట్టేనని చాలా మంది కామెంట్స్ చేస్తున్నారు.

బెంగళూరు రేవ్ పార్టీ కేసులో నిందితులను సీసీబీ అధికారులు ఇవాళ(సోమవారం) నుంచి విచారించనున్న విషయం తెలిసిందే. ఈ కేసులో నిందితురాలిగా ఉన్న నటి హేమ విచారణకు డుమ్మా కొట్టింది. తాను వైరల్ ఫీవర్‌తో బాధపడుతున్నానని తెలిపింది. విచారణకు హాజరయ్యేందుకు తనకు కొంత సమయం కావాలని సీసీబీకి లేఖ రాసినట్లు సమాచారం. 

అయితే ఆ లేఖను పరిగణలోకి తీసుకోవడం లేదని సీసీబీ అధికారులు వెల్లడించారు. దీంతో హేమకు మరో నోటీసు ఇవ్వడానికి పోలీసులు సిద్ధమైనట్లు తెలుస్తోంది. బెంగళూరు రేవ్ పార్టీ కేసులో తెలుగు, తమిళ సినీ ఇండస్ట్రీకి చెందిన పలువురిని బెంగళూరు పోలీసులు అరెస్టు చేసిన సంగతి తెలిసిందే. తీగలాగితే డొంకంతా కదిలినట్లు ఈ కేసులో షాకింగ్ నిజాలు వెలుగులోకి వచ్చాయి. 

రేవ్ పార్టీలో 103 మంది పాల్గొనగా వారిలో 86మంది మాదకద్రవ్యాలు తీసుకున్నట్లు తేలిందని పోలీసులు ఇప్పటికే వెల్లడించారు. మరోవైపు ఈ కేసులో అరెస్టైన ఆరుగురు నిందితుల్లో ఐదుగురి బ్యాంకు ఖాతాలను పోలీసులు ఫ్రీజ్ చేశారు. ఈ కేసులో పొలిటికల్ లీడర్లు, ప్రముఖులతో లింకులు ఉన్నట్లు పోలీసులు భావిస్తున్నారు. రేవ్ పార్టీ జరిగిన చోట ఏపీ మంత్రి కాకాని పేరుతో స్టిక్కర్ ఉన్న కారును పోలీసులు గుర్తించారు. దీంతో ఆ మంత్రి అనుచరుడు పూర్ణారెడ్డిని పోలీసులు అరెస్టు చేశారు.

బెంగళూరు రేవ్ పార్టీ కేసుకు సంబంధించి పోలీసులు దర్యాప్తు ముమ్మరం చేశారు. పోలీసుల విచారణలో సంచలన నిజాలు వెలుగులోకి వచ్చాయి. మొత్తం ఈ పార్టీలో 101 మంది పాల్గొన్నట్లు పోలీసులు గుర్తించారు. 30 మంది యువతులు, 71 మంది పురుషులు ఉన్నారు. ఇప్పటికే బెంగళూరు పోలీస్‌ స్టేషన్‌కు మెడికల్‌ టీమ్స్ వెళ్లి అందరి దగ్గర బ్లడ్‌ శ్యాంపుల్స్ సేకరిస్తున్నాయి. 

ఈ కేసులో నిర్వాహకుడు వాసుతో పాటు నలుగురు అరెస్టయ్యారు. నటి హేమ ప్రస్తుతం బెంగళూరు పీఎస్‌లోనే ఉన్నారు.  అయితే ఉదయం హేమ తాను రేవు పార్టీలో లేనని హైదరాబాద్‌లోనే ఉన్నానంటూ ఓ వీడియో రిలీజ్‌ చేసిన సంగతి తెలిసిందే. ఆ తర్వాత ఆమె బెంగళూరులోనే ఉండి ఆ వీడియో షూట్ చేసిందని పోలీసులు ఫొటోలు విడుదల చేశారు. హేమ ప్రజలను తప్పుదోవ పట్టించిందని పోలీసులు స్పష్టం చేశారు.  

ఈ విషయంపై పోలీసులు మరో కేసు నమోదు చేసినట్లు సమాచారం. మరోవైపు ఈ పార్టీలో నటుడు శ్రీకాంత్ కూడా ఉన్నట్లు వార్తలు వచ్చాయి. దీనిపై స్పందించిన శ్రీకాంత్.. రేవ్ పార్టీలో పాల్గొనలేదని తనది అలాంటి సంస్కృతి కాదని స్పష్టం చేశారు. ప్రస్తుతం తాను హైదరాబాద్‌లోనే తన ఇంట్లో ఉన్నానని తెలిపారు.

బెంగళూరులో ఆదివారం రాత్రి రేవ్‌ పార్టీకి సంబంధించి ఉదయం నుంచి టాలీవుడ్ నటి హేమ పాల్గొన్నట్లు వార్తలు వచ్చిన విషయం తెలిసిందే. దీంతో హేమ ఓ వీడియోను విడుదల చేస్తూ బెంగళూరు రేవ్ పార్టీతో తనకు ఏమాత్రం సంబంధం లేదని స్పష్టం చేసింది. తాను హైదరాబాద్‌లోనే ఉన్నానని తెలిపింది. అనవసరంగా తన పేరును లాగొద్దంటూ విజ్ఞప్తి చేసింది. ఈ నేపథ్యంలో తాజాగా ఈ కేసు కీలక మలుపు తిరిగింది. 

హేమ వీడియో బైట్ రిలీజ్ అయిన కొద్ది సేపటికే బెంగళూరు పోలీసులు హేమను తాము అరెస్ట్ చేశామని ఒక ఫోటో రిలీజ్ చేశారు. హేమ ఏదైతే వీడియో బైట్ రిలీజ్ చేసిందో ఆ వీడియో బైట్‌లో ఉన్న డ్రెస్ పోలీసులు రిలీజ్ చేసిన ఫోటోలో కూడా ఉండడం గమనార్హం. అయితే హేమ నిజంగానే బెంగళూరు పోలీసుల కస్టడీలో ఉందా? లేక పోలీసులు అదుపులోకి తీసుకుని పూచికత్తు మీద విడిచి పెట్టారా? అనేది తెలియాల్సివుంది. అలా జరిగినా తనకు ఆ పార్టీతో సంబంధం లేదని ఎందుకు చెబుతోంది? అనే అంశాల చుట్టూ ఇప్పుడు చర్చనీయాంశమైంది.

ఇదిలా ఉండగా, ఎలక్ట్రానిక్ సిటీ సమీపంలోని జీఆర్ ఫామాహౌస్‌లో హైదరాబాద్‌కు చెందిన వాసు అనే వ్యక్తి బర్త్ డే పార్టీ పేరుతో పెద్ద ఎత్తున రేవ్ పార్టీని నిర్వహించినట్లు సమాచారం. పోలీసులు పక్కా సమాచారంతో దాడులు నిర్వహించి మద్యంతో పాటు డ్రగ్స్ స్వాధీనం చేసుకున్నారు. ఈ పార్టీలో దాదాపు 100 మందికిపైగా పార్టీకి హాజరైనట్లు తెలుస్తోంది. ఈ పార్టీలో ఎండీఎంఏ, కొకైన్ వంటి మాదకద్రవ్యాలను స్వాధీనం చేసుకున్నట్లు పోలీసులు తెలిపారు. 20మందికి పైగా యువతులు ఈ పార్టీలో పాల్గొన్నట్లు తెలుస్తోంది. ఈ పార్టీలో టాలీవుడ్ హీరో శ్రీకాంత్ కూడా ఉన్నట్లు ప్రచారం జరిగింది కానీ.. ఆయన నిన్న హైదరాబాదులోనే ఉన్నట్లు సమాచారం.