CommunityLeadership - Vishvambhara News

బదిలీపై వచ్చిన పంచాయతీ కార్యదర్శిని సన్మానించిన దయ్యాల రాజు

Desk — Thu, 25 Jul 2024 18:10:38 +0530

విశ్వంభర ,ఆత్మకూరు(ఎం)జూలై 25 : - యాదాద్రి భువనగిరి జిల్లా ఆత్మకూరు(ఎం)మండలం తుక్కాపుర్రం గ్రామానికి బదిలీపై వచ్చిన పంచాయతీ కార్యదర్శి శ్రీనివాస్ ని గురువారం రోజు తాజా మాజీ సర్పంచ్ దయ్యాల రాజు , ఉపసర్పంచ్ మారూపాక అంజయ్య ,వార్డ్ మెంబర్ మల్లెల ప్రవీణ్ ,కాంగ్రెస్ పార్టీ కార్యకర్త శనివారం నవీన్, వాటర్ మెన్ మరియు ఫీల్డ్ అసిస్టెంట్ పోన్నగానీ సత్తిష్ శాలువాతో సన్మానించారు.

బడ్జెట్ ప్రతులను అందజేసిన కార్యక్రమంలో ఆలేరు ఎమ్మెల్యే బీర్ల ఐలయ్య గారు

Desk — Thu, 25 Jul 2024 17:05:08 +0530

విశ్వంభర జూలై 25 : - శాసనసభలో ప్రవేశపెట్టనున్న 2024- 25 వార్షిక సంవత్సరం బడ్జెట్ ప్రతులను శాసనసభ స్పీకర్ గడ్డం ప్రసాద్ గారికి ఉపముఖ్యమంత్రి ఆర్థిక శాఖ మంత్రివర్యులు భట్టి విక్రమార్క మల్లు గారు,శాసనసభ వ్యవహారాల మంత్రి దుద్దిల్ల శ్రీధర్ బాబు గారు అందజేసారు.

బడ్జెట్ ప్రవేశపెడుతున్న డిప్యూటీ సీఎం ఆర్థిక మంత్రి భట్టి విక్రమార్క గారికి,స్పీకర్ గడ్డం ప్రసాద్ గారు,ప్రభుత్వ విప్ ఆలేరు ఎమ్మెల్యే బీర్ల ఐలయ్య గారు పుష్పగుచ్చం అందించి అభినందనలు తెలిపారు.

జాతీయ స్థాయి రెజ్లర్ రూప్‌లాల్ తెలంగాణ బజరంగ్ సేన లో చేరిక

Desk — Mon, 22 Jul 2024 17:34:04 +0530

హైదరాబాద్, జూలై 22(విశ్వంభర) :- జాతీయ స్థాయి రెజ్లర్ రూప్‌లాల్ అధికారికంగా బజరంగ్ సేన తెలంగాణా అధ్యక్షుడు ఎన్.ఆర్ సమక్షంలో చేరారు. లక్ష్మణ్ రావు ప్రధాన కార్యదర్శి ఠాకూర్ వికాస్ సింగ్, వైస్ ప్రెసిడెంట్ యర్రం శ్రీనివాస్, ప్రవీణ్ యాదవ్, కరణ్ సూర్యవంశీ, నరేష్ మరియు ఇతర సభ్యులు ఆయనకు ఘనస్వాగతం పలికారు. గౌరవ సూచకంగా పుష్పగుచ్ఛాన్ని మరియు సాంప్రదాయక శాలువను సమర్పించారు. ఔత్సాహికులు-దీపక్, నరేష్, చిన్నా, అభిషేక్, వీరూ మరియు గురుతో రూప్‌లాల్ కూటమి మా లక్ష్యం మరియు నిబద్ధతను బలపరుస్తుంది అన్నారు. అందరం కలిసి శ్రేష్ఠత వైపు ఒక మార్గాన్ని రూపొందిస్తామన్నారు

మున్నూరు కాపు గ్రామ అధ్యక్షుడిగా శ్రీనివాస్.

Desk — Mon, 22 Jul 2024 16:41:16 +0530

విశ్వంభర భూపాలపల్లి జూలై 22 : - జయశంకర్ భూపాలపల్లి జిల్లా మహాదేవపూర్ మండలం బ్రాహ్మణపల్లి గ్రామ మున్నూరు కాపు అధ్యక్షుడిగా సుంకరి శ్రీనివాస్ ను ఏకగ్రీవంగా ఎన్నుకోవడం జరిగింది.

కార్యవర్గ సభ్యులుగా

పిడుగు సమ్మయ్య, తాటికొండ శ్రీనివాస్,తాటికొండ రాజులు,దిండిగల నర్సయ్య లను ఎన్నుకున్నారు. ఈ సందర్భంగా శ్రీనివాస్ మాట్లాడుతూ మున్నూరు కాపుల సమస్యలపై దృష్టి సాధించి తమ సమస్యలను ప్రభుత్వం దృష్టికి తీసుకెళ్తానని అన్నారు. మున్నూరు కాపులకు ప్రభుత్వం తరఫున వచ్చే అభివృద్ధి పథకాలను వారికి చేరే విధంగా కృషి చేస్తానని అన్నారు. అధ్యక్షుడిగా అవకాశం కల్పించిన గ్రామ ప్రజలకు ప్రత్యేక కృతజ్ఞతలు తెలుపుతున్నానని అన్నారు.