రౌడీ బాయ్ విజయ్‌ దేవరకొండ, నేషనల్ క్రష్ రష్మిక మందన్న కాంబినేషన్‌ గురించి ప్రత్యేకంగా చెప్పనవసరం లేదు. గీతగోవిందం, డియర్ కామ్రేడ్ సినిమాలతో సూపర్ హిట్ పెయిర్‌గా నిలిచారు. అయితే, ఈ ఇద్దరి మధ్య ప్రొఫెషనల్‌గానే కాకుండా వ్యక్తిగతంగా మంచి అనుబంధం ఉందన్న విషయం తెలిసిందే. 

అయితే, ఆనంద్ దేవరకొండ నటిస్తోన్న గం గం గణేశా ప్రీ రిలీజ్‌ ఈవెంట్‌కు రష్మిక హాజరైంది. ఈవెంట్‌లో ఆనంద్‌ దేవరకొండ యాంకర్‌గా మారి.. రష్మికను మీ ఫేవరేట్‌ కోస్టార్ ఎవరని అడిగాడు. ఈ ప్రశ్న విన్న వెంటనే ప్రేక్షకులంతా రౌడీ బాయ్‌ అంటూ కేకలు వేశారు. 

దీంతో రష్మిక కొంచెం కోపంతో నవ్వుతూ.. ఆనంద్‌ నువ్వు నా ఫ్యామిలీ రా.. ఇలా నన్ను స్పాట్‌లో పెట్టేస్తే ఎలా అని ఫన్నీగా సమాధానం ఇచ్చింది. కాగా, రష్మిక చివరికి విజయ్‌ దేవరకొండ పేరు చెప్పడంతో ఈవెంట్‌ అంతా అభిమానుల కేరింతలతో దద్దరిల్లిపోయింది. అయితే, దీనికి సంబంధించిన వీడియో ప్రస్తుతం సోషల్ మీడియాలో తెగ వైరల్ అవుతోంది.

#Anand : who's your Fav co-star?#RashmikaMandanna - RowdyBoy (vijaydevarakonda) pic.twitter.com/Xv0XpXSe1q

— Filmy Bowl (@FilmyBowl) May 27, 2024

ఇవాళ దివంగత నందమూరి తారక రామారావు 101వ జయంతి సందర్భంగా ఆయన అభిమానులు, కుటుంబ సభ్యలు ఆయనను తలుచుకుంటూ నివాళులు అర్పిస్తున్నారు. తాజాగా ఆయన మనవళ్లు జూనియర్ ఎన్టీఆర్, కళ్యాణ్ రామ్ ఉదయాన్నే హైదరాబాద్‌లోని ఎన్టీఆర్ ఘాట్ వద్దకు చేరుకొని నివాళులు అర్పించారు. 

తాతకు తగ్గ మనవడుగా జూనియర్ ఎన్టీఆర్ సినీ రంగంలో దూసుకుపోతున్నారు. కాగా, ప్రపంచ స్థాయిలో ఎన్టీఆర్ గుర్తింపు సాధించారు. ప్రస్తుతం వరుస సినిమాలతో దూసుకుపోతున్న ఎన్టీఆర్ తన తాతయ్య జయంతి సందర్భంగా స్పెషల్ ట్వీట్ చేశారు. ‘మీ పాదం మోపక తెలుగు ధరిత్రి చిన్నబోతుంది. మీ రూపు కానక తెలుగు గుండె తల్లడిల్లిపోతుంది. పెద్ద మనసుతో ఈ ధరిత్రిని, ఈ గుండెను, మరొక్కసారి తాకిపో తాత సదా మీ ప్రేమకు బానిసను’. అంటూ ఎన్టీఆర్ ట్వీట్ చేశారు. ప్రస్తుతం ఈ ట్వీట్ సోషల్ మీడియాలో వైరల్ అవుతోంది.

కర్ణాటకలో కొందరు యువకులు రాత్రివేళ రోడ్డుపై హల్‌చల్ చేశారు. కార్లతో పరస్పరం ఢీకొట్టుకున్నారు. కర్రలతో దాడులు చేసుకున్నారు. మే 18న ఉడుపి ప్రాంతంలో జరిగిన ఈ ఘటనకు సంబంధించిన దృశ్యాలు తాజాగా సోషల్ మీడియాలో వైరల్‌గా మారాయి.

కాగా, ఉడుపి- మణిపాల్ హైవేపై ఈ ఘటన జరిగింది. రెండు కార్లలో వచ్చిన ఆరుగురు యువకులు వీరంగం సృష్టించారు. మొదట ఓ కారు వేగంగా వెనక్కి వచ్చి మరో వాహనాన్ని ఢీకొట్టింది. అందులో నుంచి యువకులు దిగి కర్రలతో కొట్టుకున్నారు. ఈ క్రమంలోనే కర్ర పట్టుకున్న ఓ యువకుడిని మరో గ్రూప్‌నకు చెందిన కారు ఢీకొట్టడంతో కిందపడి తీవ్రంగా గాయపడ్డాడు.

కర్ణాటకకు చెందిన ఓ డాక్టర్ సమీపంలోని అపార్ట్‌మెంట్ నుంచి ఈ ఘటనను వీడియోలో రికార్డ్ చేసి తన 'ఎక్స్' ఖాతాలో పోస్ట్ చేస్తూ నిందితులపై చర్యలు తీసుకోవాలని డిమాండ్ చేశాడు. ఈ వీడియో కాస్త వైరల్ కావడంతో పోలీసులు కేసు నమోదు చేసి దర్యాప్తు చేపట్టారు.

నాగోల్‌లో ఈరోజు తెల్లవారుజామున ఒక యువతి, యువకుడు మద్యం సేవించి, సిగరెట్ తాగుతూ అటుగా వచ్చిన మార్నింగ్ వాకర్స్‌పై బూతులతో రెచ్చిపోయారు. ప్రశ్నించిన వారితో గొడవ పెట్టుకున్నారు. మద్యం మత్తులో మార్నింగ్ వాకర్స్‌ను యువతి బూతులు తిడుతూ హల్ చల్ చేసింది.

అయితే, చాలాసేపు వాగ్వాదం తర్వాత వారు అక్కడి నుంచి కారులో ఉడాయించారు. కాగా, పలువురు దీనికి సంబంధించిన వీడియోను సోషల్ మీడియాలో పోస్టు చేయడంలో వైరల్ అవుతోంది. ఇలాంటి వ్యక్తులపై చర్యలు తీసుకోవాలని నెటిజన్లు కామెంట్స్ చేస్తున్నారు.

అధికారం కోల్పోయిన బీఆర్ఎస్ కాంగ్రెస్ సర్కార్‌ను ఎప్పటికప్పుడు నిలదీస్తూనే ఉంది. మాజీ సీఎం కేసీఆర్‌తో పాటు మాజీ మంత్రులు హరీశ్‌రావు, కేటీఆర్‌లు తమదైన శైలిలో ప్రభుత్వ వైఫల్యాలను ఎత్తిచూపుతున్నారు. ఇటీవల మాజీ మంత్రి కేటీఆర్‌పై సీఎం రేవంత్ రెడ్డి సంచలన వ్యాఖ్యలు చేసిన విషయం తెలిసిందే. 

కేటీఆర్ బంధువు రూ.10వేల కోట్ల కోవిడ్ డ్రగ్ కాంట్రాక్ట్ వచ్చిందంటూ ఆరోపించారు. దీనిపై కేటీఆర్ ఘాటుగా స్పందించారు. అసత్య ప్రచారాలకు అలవాటు పడిన సీఎం రేవంత్ రెడ్డిని జైల్లో ఎందుకు పెట్టకూడదని ప్రశ్నించారు. ఆయన గురువారం ఎక్స్ వేదికగా పలు ప్రశ్నలను సంధించారు. 

‘నా బంధువుకు 10000 కోట్ల కోవిడ్ డ్రగ్ కాంట్రాక్ట్ వచ్చిందని రేవంత్ సిగ్గులేని అబద్ధం చెప్పాడు. అదే జోకర్ నేను సెక్రటేరియట్ కింద ఉన్న నిజాం ఆభరణాలను తవ్వినట్లు నకిలీ కథనాన్ని సృష్టించాడు. ⁠కేంద్ర హోంమంత్రికి సంబంధించిన ఫేక్ వీడియోను రేవంత్ సర్క్యులేట్ చేశారు. సీఎం అయినందున ఓయూకి సంబంధించిన నకిలీ సర్క్యులర్‌ పోస్ట్ చేశాడు’ అంటూ ట్వీట్‌లో పేర్కొన్నారు. ఇలాంటి ఫేక్ న్యూస్ స్ప్రెడర్‌ను ఎందుకు జైల్లో పెట్టకూడదంటూ కేటీఆర్ రాసుకొచ్చారు.

పాన్ ఇండియా స్టార్ ప్రభాస్ పెళ్ళికి రెడీ అయినట్లు గత ఏడాది నుంచి వార్తలు వస్తూనే ఉన్నాయి. ప్రభాస్ పెద్దమ్మ కూడా ఆ మధ్య ఇదే చెప్పారు. దీంతో డార్లింగ్ మ్యారేజ్‌కు సంబంధించి ఎప్పుడెప్పుడు గుడ్‌న్యూస్ వస్తుందా? అని ఫ్యాన్స్ ఎదురుచూస్తున్నారు.

అయితే, బుధవారం జరిగిన ‘కల్కి’ స్పెషల్ ఈవెంట్‌లో యాంకర్ సుమ ప్రభాస్‌ను ఆటపట్టించింది. మొన్నెప్పుడో స్పెషల్ వ్యక్తి వస్తుందని అనగానే.. ఎంత మంది అమ్మాయిల గుండెలు పగిలిపోయాయో తెలుసా? అని సుమ అనగానే.. ప్రభాస్, ఆ అమ్మాయిల కోసమే పెళ్లి చేసుకోలేదని చెప్పాడు. అమ్మాయిలందరినీ బాధ పెట్టడం ఇష్టం లేకే పెళ్లి చేసుకోవడం లేదని సుమకు ఫన్నీగా ఆన్సర్ ఇచ్చాడు. కాగా, ప్రభాస్ చేసిన ఈ కామెంట్స్ సోషల్ మీడియాలో వైరల్‌గా మారాయి.

హైదరాబాద్‌లో చిన్న వర్షానికే రహాదారులన్నీ జలమయం అవుతున్నాయి. కొన్నిచోట్ల నడి రోడ్డుపై నీటి కుంటలు ఏర్పడుతున్నాయి. దీంతో వాహనదారులు, స్థానికులు తీవ్ర ఇబ్బందులు ఎదుర్కొంటున్నారు. అయితే, గత రెండు రోజులుగా కురిసిన చిన్న వర్షానికే నాగోల్‌లోని ఆనంద్ నగర్‌లో రోడ్ల దుస్థితి దారుణంగా తయారైంది. అడుగడుగున గుంతలుండటంతో ఆ ప్రాంతమంతా బురదమయమైంది. దీంతో అక్కడి కాలనీ వాసులంతా నడి రోడ్డుపై నిరసనకు దిగారు. 

అయితే, అందులో ఒక మహిళ మరొక్క అడుగు ముందుకేసి రోడ్డు దుస్థితి బాగాలేదనీ.. ఆనంద్ నగర్‌లో రోడ్లు పాడైపోయిన ఎవరూ పట్టించుకోవడంలేదని.. రోడ్డు మీద ఉన్న నీటి కుంటలోకి దిగి నిరసన తెలిపింది. ఇది గమనించిన ట్రాఫిక్ పోలీసులు ఆమెకు నచ్చజెప్పేందుకు ప్రయత్నించారు. కాగా, దీనికి సంబంధించిన ఫొటోలు, వీడియోలు సోషల్ మీడియాలో తెగ వైరల్ అవుతున్నాయి.

టాలీవుడ్ నుంచి తనను బ్యాన్ చేస్తామని కొందరు బెదిరిస్తున్నారని ‘ఆర్ఎక్స్ 100’ హీరోయిన్ పాయల్ రాజ్‌పుత్ ఆరోపించింది. 2019లో తాను ‘రక్షణ’ అనే సినిమాలో నటించానని.. కొన్ని కారణాల వల్ల ఆ సినిమా విడుదల నిలిచిపోయిందని తెలిపింది. అయితే తన సక్సెస్‌ను చూసి ఇప్పుడు రిలీజ్‌కు ప్లాన్ చేస్తున్నారని తెలిపింది. తాను ప్రస్తుతం అందుబాటులో లేనని, కానీ తన టీమ్‌ ఆ చిత్ర యూనిట్‌తో టచ్‌లో ఉందని తెలిపింది. 

తనకు చెల్లించాల్సిన రెమ్యునరేషన్‌ ఇవ్వాలని ఆ చిత్ర యూనిట్‌తో తన టీమ్‌ చెప్పినా, వారు మాత్రం చెల్లించేందుకు అంగీకరించలేదని రాసుకొచ్చింది. అయితే, అగ్రిమెంట్ ప్రకారం తన రెమ్యునరేషన్ ఇవ్వకుండా ప్రమోషన్స్ చేయాలని ఒత్తిడి చేస్తున్నారని, లేదంటే సినీ ఇండస్ట్రీ నుంచి బ్యాన్ చేస్తామని బెదిరిస్తున్నారని వాపోయింది. తన ప్రమేయం లేకుండా ఆ సినిమాలో పేరు, పాత్ర ఉంటే న్యాయపరమైన చర్యలు తీసుకుంటానని పాయల్‌ ఇన్‌స్టాలో పోస్ట్ చేసింది. 

ఇదిలా ఉండగా పాయల్ ప్రస్తుతం తెలుగు, తమిళ సినిమాల్లో వరుస సినిమాలతో బిజీగా ఉంది. గతేడాది మంగళవారం అనే సినిమాలో తన పాత్రతో అందరినీ ఆశ్చర్యానికి గురిచేసింది. ఇప్పుడు మరో సస్పెన్స్ థ్రిల్లర్‌తో ప్రేక్షకుల ముందుకు రానున్నట్లు సమాచారం. ఆ సినిమాలో పాయల్ క్రైమ్ ఇన్వెస్టిగేటివ్ పోలీస్ ఆఫీసర్‌గా తొలిసారి కనిపించనుంది. ప్రణదీప్ ఠాకోర్ ఈ సినిమాను నిర్మిస్తుండగా మహతి సంగీతాన్ని అందిస్తున్నట్లు సమాచారం. రోషన్, మానస్, రాజీవ్ కనకాల తదితరులు వివిధ పాత్రల్లో కనిపించనున్నారు.

https://www.instagram.com/p/C7KJ27uKLlP/?igsh=MTZ5N216NXNsa2x1bA%3D%3D&img_index=1