ఐరోపా దేశమైన చెక్ రిపబ్లిక్ రాజధాని ప్రాగ్‌లో ఘోర ప్రమాదం జరిగింది. గురువారం తెల్లవారుజామున ఓ గూడ్స్ రైలును ప్యాసింజర్ రైలు ఢీకొట్టింది. ఈ ప్రమాదంలో నలుగురు అక్కడికక్కడే దుర్మరణం చెందారు. మరో 23 మంది తీవ్రగాయాలపాలయ్యారు. ఈ ఘటనకు సంబంధించి వివరాలు ఇలా ఉన్నాయి. 

ప్రాగ్‌కు తూర్పున 100 కిలోమీటర్ల దూరంలో ఉన్న పార్ధుబిస్ నగరంలో ప్రైవేట్ రెజియోజెట్ కంపెనీకి చెందిన ప్యాసింజర్ రైలు గూడ్స్‌ రైలును ఢీకొంది. స్లోవేకియా సరిహద్దుకు దగ్గరగా ఉన్న పశ్చిమ ఉక్రేనియన్ నగరమైన చాప్‌కు వెళ్తుండగా ఈ ప్రమాదం జరిగినట్లు తెలుస్తోంది. ప్రమాద సమయంలో ప్యాసింజర్ రైలులో 300 మందికి పైగా ప్రయాణికులు ఉన్నారు. వీరిలో చాలా మంది విదేశీయులు ఉన్నారు. 

ఈ ఘటనతో తూర్పు భాగం గుండా ఒక ప్రధాన ట్రాక్ మూసివేయవలసి వచ్చిందని ఆ దేశ మంత్రి విట్ రాకుసన్ తెలిపారు.  ప్రైవేట్ ట్రెరెజియోజెట్ కంపెనీ నిర్వహించే ఈ రైలు  వెళ్తుండగా పార్డుబిస్ మెయిన్ స్టేషన్ సమీపంలో ఈ ఘటన జరిగిందని చెక్ రిపబ్లిక్ దేశ రవాణా శాఖ మంత్రి మార్టిన్ కుప్కా ఈ విషయాన్ని వెల్లడించారు. ఈ ఘటనపై అధికారులు విచారణ కొనసాగుతుందన్నారు. ఇక, గూడ్స్ రైలు కాల్షియం కార్బైడ్ ను తీసుకువెళుతుందని స్థానిక అగ్నిమాపక శాఖ ప్రతినిధి వెందుల హోరకోవా పేర్కొన్నారు.

ఇటీవల విడుదలైన మంజుమ్మల్ బాయ్స్ సినిమా బాక్సాఫీస్ వద్ద మంచి విజయాన్ని అందుకుంది. వాస్తవ ఘటన ఆధారంగా తెరకెక్కిన ఈ మూవీ మలయాళంలో భారీ వసూళ్లు రాబట్టింది. దీంతో ఈ చిత్రాన్ని తెలుగులోనూ విడుదల చేశారు. ఫిబ్రవరిలో విడుదలైన ఈ సినిమా దాదాపు రూ.200కోట్లకు పైగా వసూళ్లు రాబట్టింది. అయితే, ఈ సినిమా క్లైమాక్స్‏లో 1991లో కమల్ హాసన్ నటించిన ‘గుణ’ చిత్రంలోని ‘కన్మణి అన్బోడు’ పాటను ఉపయోగించారు. 

అప్పట్లో గుణ చిత్రానికి ఇళయరాజా మ్యూజిక్ డైరెక్టర్. ఈ సాంగ్ ఇప్పుడు బాగా ఫేమస్ అయ్యింది. అటు సోషల్ మీడియలో ఈ సాంగ్ ట్రెండ్ అవుతోంది. అయితే తమ అనుమతి లేకుండా ఈ పాటను వాడుకున్నందుకు చిత్రనిర్మాణ సంస్థకు ఇళయారాజా తరఫు లాయర్ శరవణన్ నోటీసులు పంపించారు. కాపీరైట్ చట్టం ప్రకారం ఈ పాటకు సంబంధించిన పూర్తి హక్కులు ఇళయరాజాకు చెందనవని, అలాంటప్పుడు తమ సినిమాలో ఈ పాటను ఉపయోగించాలంటే హక్కులు పొందాలంటే వినియోగానికి తగిన పరిహారం చెల్లించాలని నోటీసులో పేర్కొన్నారు. 

లేదంటే కాపీరైట్ ఉద్దేశపూర్వకంగా ఉల్లంఘించినట్లుగా చట్టపరమైన క్రిమినల్ చర్యలు తీసుకుంటామని హెచ్చరించారు. ఇటీవల దీనిపై చిత్రయూనిట్ ఏవిధంగా స్పందిస్తుందో చూడాలి. ఇళయరాజా ఇదివరకు రజనీకాంత్ నటిస్తున్న ‘కూలి’ సినిమా టీజర్‌లో తన సంగీతాన్ని అనుమతి లేకుండా వాడినట్లు సన్ పిక్చర్స్ సంస్థకు నోటీసులు పంపించారు. ప్రస్తుతం మంజుమ్మల్ బాయ్స్ సినిమా డిస్నీ ప్లస్ హాట్ స్టార్ ఓటీటీలో స్ట్రీమింగ్ అవుతోంది.

టాలీవుడ్ నుంచి తనను బ్యాన్ చేస్తామని కొందరు బెదిరిస్తున్నారని ‘ఆర్ఎక్స్ 100’ హీరోయిన్ పాయల్ రాజ్‌పుత్ ఆరోపించింది. 2019లో తాను ‘రక్షణ’ అనే సినిమాలో నటించానని.. కొన్ని కారణాల వల్ల ఆ సినిమా విడుదల నిలిచిపోయిందని తెలిపింది. అయితే తన సక్సెస్‌ను చూసి ఇప్పుడు రిలీజ్‌కు ప్లాన్ చేస్తున్నారని తెలిపింది. తాను ప్రస్తుతం అందుబాటులో లేనని, కానీ తన టీమ్‌ ఆ చిత్ర యూనిట్‌తో టచ్‌లో ఉందని తెలిపింది. 

తనకు చెల్లించాల్సిన రెమ్యునరేషన్‌ ఇవ్వాలని ఆ చిత్ర యూనిట్‌తో తన టీమ్‌ చెప్పినా, వారు మాత్రం చెల్లించేందుకు అంగీకరించలేదని రాసుకొచ్చింది. అయితే, అగ్రిమెంట్ ప్రకారం తన రెమ్యునరేషన్ ఇవ్వకుండా ప్రమోషన్స్ చేయాలని ఒత్తిడి చేస్తున్నారని, లేదంటే సినీ ఇండస్ట్రీ నుంచి బ్యాన్ చేస్తామని బెదిరిస్తున్నారని వాపోయింది. తన ప్రమేయం లేకుండా ఆ సినిమాలో పేరు, పాత్ర ఉంటే న్యాయపరమైన చర్యలు తీసుకుంటానని పాయల్‌ ఇన్‌స్టాలో పోస్ట్ చేసింది. 

ఇదిలా ఉండగా పాయల్ ప్రస్తుతం తెలుగు, తమిళ సినిమాల్లో వరుస సినిమాలతో బిజీగా ఉంది. గతేడాది మంగళవారం అనే సినిమాలో తన పాత్రతో అందరినీ ఆశ్చర్యానికి గురిచేసింది. ఇప్పుడు మరో సస్పెన్స్ థ్రిల్లర్‌తో ప్రేక్షకుల ముందుకు రానున్నట్లు సమాచారం. ఆ సినిమాలో పాయల్ క్రైమ్ ఇన్వెస్టిగేటివ్ పోలీస్ ఆఫీసర్‌గా తొలిసారి కనిపించనుంది. ప్రణదీప్ ఠాకోర్ ఈ సినిమాను నిర్మిస్తుండగా మహతి సంగీతాన్ని అందిస్తున్నట్లు సమాచారం. రోషన్, మానస్, రాజీవ్ కనకాల తదితరులు వివిధ పాత్రల్లో కనిపించనున్నారు.

https://www.instagram.com/p/C7KJ27uKLlP/?igsh=MTZ5N216NXNsa2x1bA%3D%3D&img_index=1