విశ్వంభర, నేషనల్ బ్యూరో: ప్రముఖ ఎన్నికల వ్యూహకర్త ప్రశాంత్ కిశోర్ నేతృత్వంలోని జన్ సురాజ్ పార్టీకి సుప్రీంకోర్టులో చుక్కెదురైంది. గతేడాది జరిగిన బిహార్ అసెంబ్లీ ఎన్నికల ఫలితాలను రద్దు చేయాలని కోరుతూ దాఖలు చేసిన పిటిషన్‌పై ధర్మాసనం తీవ్రంగా స్పందించింది. ప్రజలు తిరస్కరించిన తర్వాత న్యాయస్థానాలను పాపులారిటీ కోసం వాడుకుంటున్నారా అని ధర్మాసనం నిలదీసింది. 

అసెంబ్లీ ఎన్నికల వేళ ఎన్డీయే కూటమి ప్రవర్తనా నియమావళిని ఉల్లంఘించిందని జన్ సురాజ్ పార్టీ తన పిటిషన్‌లో ఆరోపించింది. ముఖ్యమంత్రి మహిళా రోజ్‌గార్ యోజన కింద ఎన్నికల షెడ్యూల్ విడుదలైన తర్వాత సుమారు 35 లక్షల మంది మహిళలకు ఒక్కొక్కరికి రూ.10 వేల చొప్పున పంపిణీ చేశారని పేర్కొంది. సుమారు రూ.15,600 కోట్ల మేర నిధులను ఎన్నికల ముందు పంచడం వల్ల ఓటర్లు ప్రభావితమయ్యారని, అందుకే ఎన్డీయే గెలుపును రద్దు చేయాలని కోరింది. ఈ పిటిషన్‌ను విచారించేందుకు సుప్రీంకోర్టు ప్రధాన న్యాయమూర్తి జస్టిస్ సూర్యకాంత్, జస్టిస్ జోయ్ మాల్య బాగ్చీలతో కూడిన ధర్మాసనం నిరాకరించింది.

"ఎన్నికల్లో ప్రజలు మిమ్మల్ని తిరస్కరించారు. ఇప్పుడు న్యాయస్థానాన్ని పాపులారిటీ కోసం వాడుకుంటున్నారా? అసలు మీ పార్టీకి ఎన్ని ఓట్లు వచ్చాయి? ఒకవేళ మీ పార్టీ అధికారంలోకి వచ్చినా ఇలాంటి పథకాలనే అమలు చేసేవారు కదా!" అని సీజేఐ ప్రశ్నించారు. ఇలాంటి అంశాలపై రాజకీయ పార్టీలు కాకుండా సామాన్యులు కోర్టుకు వస్తే ఆహ్వానిస్తామని ధర్మాసనం పేర్కొంది. రాష్ట్ర స్థాయి ఎన్నికలకు సంబంధించి సుప్రీంకోర్టు నేరుగా ఆదేశాలు ఇవ్వలేదని, ఏవైనా ఫిర్యాదులు ఉంటే పాట్నా హైకోర్టును ఆశ్రయించాలని సూచించింది. దీంతో జన్ సురాజ్ పార్టీ తన పిటిషన్‌ను ఉపసంహరించుకుంది.

ఆంధ్రప్రదేశ్ ఎన్నికల్లో వైసీపీకి ఘోర పరాజయం ఎదురుకాబోతోందని రాజకీయ వ్యూహకర్త ప్రశాంత్ కిశోర్ ఓ ఇంటర్వ్యూలో సంచలన వ్యాఖ్యలు చేశారు. తాము ఎన్నికల్లో గెలవబోతున్నామని జగన్ చెప్పినట్లుగానే రాహుల్ గాంధీ, తేజస్వీ యాదవ్ కూడా చెబుతున్నారని అన్నారు. ఫలితాలను ముందే అంగీకరించిన వారు పదేళ్లలో నాకు ఎవరూ కనిపించలేదని పేర్కొన్నారు.

అయితే, గెలుస్తామని చంద్రబాబు చెబితే.. గతంలో కంటే ఎక్కువ సీట్లలో గెలుస్తామని జగన్ చెప్పారనీ.. ఈ చర్చకు అంతంలేదని ప్రశాంత్ కిశోర్ చెప్పుచ్చారు. అదేవిధంగా ప్రశాంత్ కిషోర్ మాట మార్చారని సీఎం జగన్ ఆరోపించారు. ఈసారి వైసీపీకి అధికారం రాదని పీకే ఇటీవల చేసిన వ్యాఖ్యలపై ఆయన ఖండించారు.

దేశంలో అందరూ షాకయ్యేలా జూన్ 4న ఫలితాలు వస్తాయని జగన్ ధీమా వ్యక్తం చేశారు. అన్ని రాష్ట్రాల నేతలు ఆంధ్రప్రదేశ్‌నే చూస్తారని తెలిపారు. ఈ ఎన్నికల్లో వైసీపీకి ఐప్యాక్ ఎంతో సాయపడిందన్నారు. గత ఐదేళ్ల పాలనలోనూ ఐప్యాక్ సూచనలను అమలు చేశామని ఆయన స్పష్టం చేశారు.