Kalyana Lakshmi Scheme: కళ్యాణలక్ష్మీ పథకం లబ్ధిదారులకు రెండేళ్లుగా ఎదురుచూపులు తప్పడం లేదు. పెళ్లి జరిగి రెండేళ్లు పూర్తయినా ఇప్పటివరకు కళ్యాణలక్ష్మీ చెక్కు అందలేదని లబ్ధిదారులు ఆవేదన వ్యక్తం చేస్తున్నారు. తాజాగా నిన్న చెక్కు వచ్చిందంటూ ఎమ్మార్వో కార్యాలయం నుంచి లబ్ధిదారులకు ఫోన్ వచ్చింది. దీంతో ఎంతో ఆశతో చెక్కు తీసుకునేందుకు కార్యాలయానికి వెళ్లిన లబ్ధిదారులకు అక్కడ అధికారుల నుంచి ఊహించని సమాధానం ఎదురైంది.

కళ్యాణలక్ష్మీ చెక్కు ఇవ్వడానికి కోర్టు స్టే ఉందని, ప్రస్తుతం చెక్కు అందించలేమని అధికారులు చెప్పినట్లు లబ్ధిదారులు తెలిపారు. రెండేళ్లుగా పథకం డబ్బుల కోసం ఎదురుచూస్తున్న తమకు చెక్కు వచ్చిందనే సమాచారంతో కొంత ఊరట కలిగిందని, కానీ కార్యాలయానికి వెళ్లిన తర్వాత కూడా చెక్కు అందకపోవడంతో తీవ్ర నిరాశకు గురయ్యామని వారు వాపోయారు.

పేద కుటుంబాలకు ఆర్థికంగా అండగా నిలిచేందుకు ప్రభుత్వం అమలు చేస్తున్న కళ్యాణలక్ష్మీ పథకం కింద తమకు రావాల్సిన సాయం కోసం ఇంతకాలం ఎదురుచూస్తున్నామని లబ్ధిదారులు తెలిపారు. చెక్కు సిద్ధంగా ఉందని సమాచారం ఇచ్చిన తర్వాత కూడా కోర్టు స్టే కారణంగా ఇవ్వలేమని చెప్పడం తమను మరింత ఇబ్బందికి గురిచేసిందని ఆవేదన వ్యక్తం చేశారు. రెండేళ్లుగా పెండింగ్‌లో ఉన్న తమ కళ్యాణలక్ష్మీ సాయాన్ని వీలైనంత త్వరగా అందేలా అధికారులు చర్యలు తీసుకోవాలని లబ్ధిదారులు కోరుతున్నారు.

కోర్టు స్టేకు సంబంధించిన పూర్తి వివరాలను అధికారులు స్పష్టంగా తెలియజేయాలని, లబ్ధిదారులకు ప్రత్యామ్నాయంగా ఎప్పుడు సాయం అందుతుందో చెప్పాలని వారు కోరుతున్నారు. ఎన్నో ఆశలతో కార్యాలయానికి వచ్చిన తమకు మరోసారి నిరాశ ఎదురుకాకుండా ప్రభుత్వం, ఉన్నతాధికారులు వెంటనే స్పందించి సమస్యను పరిష్కరించాలని లబ్ధిదారులు విజ్ఞప్తి చేస్తున్నారు.

విశ్వంభర కూకట్ పల్లి జులై 16 : కూకట్ పల్లి నియోజకవర్గంలో 235 మంది లబ్ధిదారులకు కళ్యాణ్ లక్ష్మి, షాదీర్ ముబారక్ 100116 /- రూపాయల చెక్కులను మంగళవారం కె.పి.హెచ్.బి మండల కార్యాలయంలో ఎమ్మెల్యే మాధవరం కృష్ణారావు, పంపిణీ చేశారు. ఈ సందర్భంగా ఆయన మాట్లాడుతూ పేద మధ్యతరగతి కుటుంబాలలో కళ్యాణ్ లక్ష్మి , షాదీ ముబారక్ పథకాలు సంతోషాన్ని నింపుతున్నాయి అన్నారు. కార్యక్రమంలో కార్పొరేటర్లు మందాడి శ్రీనివాసరావు, పండాల సతీష్ గౌడ్, ముద్దం నర్సింగ్ యాదవ్, ఆవుల రవీందర్ రెడ్డి, సబేహా గౌసుద్దీన్, పి.శిరీషాబాబురావు, మహేశ్వరీ శ్రీహరి, తదితరులు పాల్గొన్నారు.