విశ్వంభర కూకట్ పల్లి జూలై 8 : ఆంధ్రప్రదేశ్ రాష్ట్ర ముఖ్యమంత్రిగా నారా చంద్రబాబు నాయుడు ప్రమాణ స్వీకారం చేసిన సందర్భంగా  సోమవారం హైదరాబాద్ లోని తన నివాసంలో ఎమ్మెల్యే అరికెపూడి గాంధీ, ఎమ్మెల్యే ప్రకాష్ గౌడ్ మర్యాదపూర్వకంగా కలిసి శుభాకాంక్షలు తెలిపారు. ఈ సందర్భంగా ఎమ్మెల్యే గాంధీ మాట్లాడుతూ తిరుమల దైవదర్శనానికి వచ్చే భక్తులకు తెలంగాణ రాష్ట్ర ప్రజాప్రతినిధులు తీసుకువచ్చే సిఫార్స్ లేఖలను పరిగణలోకి తీసుకొని, ఆమోదించేలా చర్యలు తీసుకోవాలని కోరారు. దీనికి సానుకూలంగా స్పందిస్తూ చంద్రబాబు నాయుడు లెటర్లను స్వీకరించేలా చర్యలు తీసుకుంటామని తెలిపారు.