Maharashtra Police: మహారాష్ట్రలో పోలీస్ తనిఖీల సందర్భంగా మానవత్వం చాటిన ఓ పోలీస్ అధికారి ఘటన వెలుగులోకి వచ్చింది. సాధారణంగా వాహనాల తనిఖీలు నిర్వహిస్తున్న సమయంలో పోలీసులు ఓ కారును ఆపారు. కారు నడుపుతున్న వ్యక్తి మద్యం మత్తులో ఉన్నట్లు గుర్తించారు. అయితే అదే కారులో అతని గర్భిణి భార్య కూడా ఉండటంతో పరిస్థితిని గమనించిన పోలీస్ అధికారి వెంటనే స్పందించారు. ఆమెకు అత్యవసరంగా ప్రసవం జరగాల్సిన పరిస్థితి ఉండటంతో ఆలస్యం చేయకుండా ఆస్పత్రికి తీసుకెళ్లాల్సిన అవసరం ఉందని గుర్తించారు.

భర్తను వెనుక సీట్లో కూర్చోబెట్టి పోలీస్ అధికారి స్వయంగా కారు స్టీరింగ్ చేపట్టారు. గర్భిణిని కారులో తీసుకుని సమీపంలోని ఆస్పత్రికి వేగంగా చేరుకున్నారు. అక్కడ ఆమెను ఆస్పత్రిలో చేర్పించి వైద్యులకు పరిస్థితిని వివరించారు. వైద్యులు వెంటనే చికిత్స అందించడంతో కొద్దిసేపటికే గర్భిణి ప్రసవించింది. దీంతో తల్లి, శిశువు క్షేమంగా ఉన్నట్లు కుటుంబ సభ్యులు ఊపిరి పీల్చుకున్నారు.

ఒకవైపు భర్త మద్యం మత్తులో ఉండటం, మరోవైపు ప్రసవ సమయం దగ్గరపడటంతో గర్భిణిని వెంటనే ఆస్పత్రికి తీసుకెళ్లాల్సిన అత్యవసర పరిస్థితి నెలకొంది. అలాంటి సమయంలో విధి నిర్వహణతో పాటు మానవత్వాన్ని చూపిస్తూ పోలీస్ అధికారి స్వయంగా వాహనం నడిపి ఆమెను ఆస్పత్రికి చేర్చడం అభినందనీయంగా మారింది. పోలీస్ అధికారి చేసిన ఈ సహాయాన్ని కుటుంబ సభ్యులు ఎప్పటికీ మర్చిపోలేమని కృతజ్ఞతలు తెలిపారు. ఈ ఘటనకు సంబంధించిన వివరాలు సోషల్ మీడియాలో వైరల్‌గా మారడంతో పోలీస్ అధికారి మానవత్వంపై ప్రశంసలు వెల్లువెత్తుతున్నాయి.

బిగ్ బాస్ కంటెస్టెంట్ అయిన టేస్టీ తేజ సోషల్ మీడియాలో చాలా పాపులర్. జబర్దస్త్ ద్వారా బాగాపాపులర్ అయిన ఆయన.. తర్వాత బిగ్ బాస్ తో సెలబ్రిటీ హోదాను సంపాదించుకున్నాడు. ఎక్కువగా తిండికి సంబంధించిన వీడియోలు చేస్తుండేవాడు టేస్టీ తేజ. ఇక బిగ్ బాస్ తర్వాత కూడా ఇలాంటి వీడియోలే చేస్తున్నాడు. 

ఇక శనివారం రోజు ఇండియా టీ20 ఫైనల్ లో ఘన విజయం సాధించిన విషయం తెలిసిందే. దాంతో చాలా మంది ఈ మ్యాచ్ ను చూశారు. టేస్టీ తేజ కూడా కారు డ్రైవింగ్ చేస్తూ ఈ మ్యాచ్ ను చూస్తున్న వీడియోను సోషల్ మీడియాలో పోస్టు చేశాడు. ఇందులో ఆయన కారు స్టీరింగ్ మధ్యలో ఫోన్ పెట్టుకుని మ్యాచ్ ను చూస్తున్నాడు. 

ఈ వీడియో చూసిన నెటిజన్లు తిట్టి పోస్తున్నారు. నువ్వు సెలబ్రిటీ అయ్యాక.. చాలా బాధ్యతగా ఉండాలి.. అంతే గానీ..ఇలాంటి పనులతో సమాజానికి ఏం మెసేజ్ ఇస్తున్నావ్. అంతగా మ్యాచ్ చూడాలని ఉంటే ఇంటికెళ్లి శుభ్రంగా చూసుకోవచ్చు గదా.. ఇలా రోడ్ల మీద చూస్తు.. ఎవరి ప్రాణాలు తీస్తావ్ అంటూ దుమ్మెత్తిపోస్తున్నారు.