Hyderabad News: హైదరాబాద్ శివారులో ఆర్టీసీ బస్సు బీభత్సం సృష్టించింది. అబ్దుల్లాపూర్‌మెట్ బాటసింగారం వద్ద ఓ బైక్‌ను తప్పించబోయిన ఆర్టీసీ బస్సు అదుపుతప్పి నేరుగా పెట్రోల్ బంక్‌లోకి దూసుకెళ్లింది. ఈ ఘటనతో పెట్రోల్ బంక్ వద్ద ఒక్కసారిగా తీవ్ర కలకలం నెలకొంది.

బస్సు వేగంగా పెట్రోల్ బంక్‌లోకి దూసుకెళ్లడంతో అక్కడ ఉన్న కారు, ఆటోను ఢీకొట్టింది. అనంతరం డీజిల్ పంపును కూడా ఢీకొనడంతో బంక్‌లో ఉన్నవారు భయాందోళనకు గురయ్యారు. ప్రమాద సమయంలో అక్కడ ఉన్న వారు అప్రమత్తంగా వ్యవహరించడంతో పరిస్థితి మరింత తీవ్రం కాకుండా నిలిచిపోయింది.

బైక్‌ను తప్పించుకునే క్రమంలోనే బస్సు అదుపుతప్పినట్లు సమాచారం. ప్రమాదంలో వాహనాలకు నష్టం వాటిల్లింది. ఘటనకు సంబంధించిన పూర్తి వివరాలు తెలియాల్సి ఉంది. ప్రమాదానికి గల కారణాలపై అధికారులు విచారణ చేపట్టారు.

ఈ ప్రమాదానికి సంబంధించిన సీసీటీవీ దృశ్యాలు ప్రస్తుతం సామాజిక మాధ్యమాల్లో వైరల్‌గా మారాయి. బస్సు ఒక్కసారిగా పెట్రోల్ బంక్‌లోకి దూసుకెళ్లిన దృశ్యాలు ప్రమాద తీవ్రతను చూపిస్తున్నాయి. ఘటనపై పోలీసులు వివరాలు సేకరిస్తున్నారు.

Telangana BC News: తెలంగాణలో బీసీ ‘ఏ’ కులాల జాబితాలో మార్పులు చేసే ప్రయత్నాలు జరుగుతున్నాయని బీసీ ‘ఏ’ కులాల పరిరక్షణ సమితి ఆందోళన వ్యక్తం చేసింది. హైదరాబాద్ బషీర్‌బాగ్‌లో ఏర్పాటు చేసిన మీడియా సమావేశంలో సమితి ప్రతినిధులు మాట్లాడుతూ, బీఆర్ఎస్ ప్రభుత్వం 2015లో జీవో నెం.16 ద్వారా తెలంగాణలో లేని 26 బీసీ కులాలను జాబితా నుంచి తొలగించిందని గుర్తు చేశారు. అయితే ప్రస్తుతం ఆ కులాలను మళ్లీ బీసీ ‘ఏ’ జాబితాలో చేర్చేందుకు కాకుండా, స్థానం కల్పించేందుకు కాంగ్రెస్ ప్రభుత్వం ప్రయత్నాలు చేస్తోందని ఆరోపించారు. ఇప్పటికే తెలంగాణలోని బీసీ ‘ఏ’ కులాలు విద్య, ఉద్యోగాలు, ఉపాధి అవకాశాల్లో వెనుకబడి తీవ్ర ఇబ్బందులు ఎదుర్కొంటున్నాయని, కొన్ని కులాలు ఇప్పటికీ బిక్షాటనతో జీవనం సాగిస్తున్నాయని పేర్కొన్నారు. ఈ నెల 30న సుప్రీంకోర్టులో విచారణకు రానున్న బీసీ ‘ఏ’ కులాల కేసులో రాష్ట్ర బీసీ కమిషన్ వాస్తవ పరిస్థితులను తెలియజేస్తూ సరైన ప్రతిపాదనలు సమర్పించి తెలంగాణ బీసీ ‘ఏ’ కులాలకు న్యాయం చేయాలని ప్రభుత్వాన్ని విజ్ఞప్తి చేశారు.

తెలంగాణలో కాంగ్రెస్ ప్రభుత్వం అధికారంలోకి వచ్చినప్పటి నుంచి శాంతిభద్రతలు క్రమంగా క్షీణిస్తున్నట్లు కనిపిస్తోంది. రోజూ ఎక్కడో ఒక చోట హత్యలు, లైంగికదాడులు జరుగుతూనే ఉన్నాయి. ముఖ్యంగా హైదరాబాద్‌లో హత్యా ఘటనలు ఆగడంలేదు. తాజాగా హైదరాబాద్ శివారులో మరో దారుణం జరిగింది. ఓ మాజీ ఎంపీటీసీ దారుణ హత్యకు గురయ్యాడు. 

ఈ ఘటనకు సంబంధించి వివరాలు ఇలా ఉన్నాయి. ఘట్‌కేసర్ పోలీస్ స్టేషన్ పరిధిలో ఉండే మాజీ ఎంపీటీసీ మహేశ్ (40) ఈ నెల 17న బయటకువెళ్లి తిరిగిరాలేదు. దీంతో ఆయన సోదరుడు విఠల్ పోలీస్ స్టేషన్‌లో ఫిర్యాదు చేశాడు. ఈ మేరకు మిస్సింగ్ కేసు నమోదు చేసిన పోలీసులు కేసు దర్యాప్తు చేపట్టారు. తాజాగా ఎన్ఎఫ్‌సీ నగర్ డంపింగ్ యార్డు వద్ద  ఎఫ్సి నగర్ డంపింగ్ యార్డు వద్ద మహేశ్ మృతదేహం గుర్తించారు. విచారణలో భాగంగా ఇద్దరిని అదుపులోకి తీసుకుని విచారించారు పోలీసులు. నిందితులు గడ్డం మహేష్‌ను హత్య చేసి ఘట్‌కేసర్ డంపింగ్ యార్డ్‌లో పాతి పెట్టినట్లు పోలీసులు గుర్తించారు. వివాహేతర సంబంధం కారణంగా మాజీ ఎంపీటీసీ మహేష్‌ హత్యకు గురైనట్లు పోలీసులు అనుమానం వ్యక్తం చేస్తున్నారు.