Vijayasai Reddy: తాను ముఖ్యమంత్రి కావాలని కోరుకోవడం లేదని మాజీ ఎంపీ విజయసాయిరెడ్డి మరోసారి స్పష్టం చేశారు. యువతకు అవకాశం కల్పించి, వారికి మార్గదర్శకుడిగా ఉంటూ అవసరమైన సమయంలో సలహాలు ఇస్తూ ముందుకు నడిపిస్తానని ఆయన పేర్కొన్నారు. యువతకు రాజకీయాల్లో మరింత అవకాశం కల్పించాల్సిన అవసరం ఉందని విజయసాయిరెడ్డి తన వ్యాఖ్యల్లో తెలిపారు. కొత్త తరానికి బాధ్యతలు అప్పగిస్తూ వారికి అవసరమైన మార్గనిర్దేశం అందించడం తన ఉద్దేశమని చెప్పారు.

తాను పదవుల కోసం కాకుండా యువతకు దిశానిర్దేశం చేసే పాత్రలో ఉండాలని భావిస్తున్నట్లు ఆయన వ్యాఖ్యలను బట్టి తెలుస్తోంది. అవసరమైన సందర్భాల్లో తన అనుభవాన్ని ఉపయోగించి యువతకు సలహాలు అందిస్తానని పేర్కొన్నారు. సీఎం కావాలన్న ఆలోచన తనకు లేదని విజయసాయిరెడ్డి చేసిన ఈ వ్యాఖ్యలు రాజకీయ వర్గాల్లో చర్చకు దారితీశాయి. యువతకు అవకాశం ఇచ్చి, వారికి మార్గదర్శకత్వం వహిస్తానన్న ఆయన వ్యాఖ్యలు ప్రస్తుతం ప్రాధాన్యం సంతరించుకున్నాయి.

విశ్వంభర జూలై  22 :కవి, యోధుడు దాశరథి కృష్ణమాచార్య శత జయంతిని పురస్కరించుకుని ముఖ్యమంత్రి రేవంత్ రెడ్డి వారికి నివాళులు అర్పించారు. ఢిల్లీ లోని అధికారిక నివాసంలో ఉప ముఖ్యమంత్రి భట్టి విక్రమార్క, మంత్రి ఉత్తమ్ కుమార్ రెడ్డి లతో కలిసి దాశరథి గారి చిత్ర పటానికి పుష్పాంజలి ఘటించారు

కర్ణుడి చావుకు సవాలక్ష కారణాలు ఉన్నట్లు ఏపీ ఎన్నికల్లో జగన్మోహన్ రెడ్డి ఓటమికి అనేక కారణాలు ఉన్నాయి. అయితే జగన్ ఓటమిని ఆ పార్టీ నేతలు, అభిమానులు జీర్ణించుకోలేకపోతున్నారు. ఈ తరుణంలో  ఓ యువకుడు జగన్ ఓటమిపై విచారణ జరపాలని, జగన్‌ను మళ్లీ సీఎంను చేయాలని డిమాండ్ చేశారు. లేదంటే తన భార్యాపిల్లలతో కలిసి ఆత్మహత్య చేసుకుంటానని అన్నాడు. 

ఆ యువకుడి వ్యాఖ్యలు ప్రస్తుతం ఏపీ రాజకీయాల్లో చర్చనీయాంశంగా మారింది. దీనికి సంబంధించిన వీడియో ప్రస్తుతం సోషల్ మీడియాలో వైరల్ అవుతోంది. ఆ వీడియోలో సదరు యువకుడు ఇలా మాట్లాడాడు ‘నా లాంటి పేదలకు జగనన్న ఎంతో మేలు చేశాడు. ఎంతోమందికి ఉపకారం చేసిన వ్యక్తి ఇంత ఘోరంగా ఓడిపోవడం ఏంటీ? ఈవీఎంల ట్యాంపరింగ్ జరిగిందని, మరొకటని.. ఇలా ఏవేవో అంటున్నారు. ఎవరు ఏం చేస్తారో తెలియదు కానీ మాకు న్యాయం జరగాలి. జగనన్న మళ్లీ సీఎం కావాలి.  లేదంటే భార్యా పిల్లలతో కలిసి ఆత్మహత్య చేసుకుంటా. అలా కాకుండా తమను కాపాడేందుకు ఎవరైనా బ్రిడ్జిపైకి వస్తే గోదావరిలో దూకేస్తా. చంద్రబాబు ప్రమాణ స్వీకారం చేయకముందే ఈ ఎన్నికల ఫలితాలపై విచారణ జరిపించి న్యాయం చేయాలి. ఈ వీడియో జగనన్న, రాష్ట్రపతి ద్రౌపది ముర్ము సహా పెద్దలందరికీ చేరాలి’ అంటూ కోరాడు. సదరు వ్యక్తిది బ్రాహ్మణగూడెం అని, అతడు జగన్‌కు వీరాభిమాని అని సమాచారం. 

తెలంగాణ ముఖ్యమంత్రి రేవంత్ రెడ్డిని బీజేపీ ఎమ్మెల్యేలు సచివాలయంలో కలిశారు. ముఖ్యమంత్రిని కలిసిన వారిలో బీజేపీ శాసన సభా పక్ష నేత ఏలేటి మహేశ్వర్ రెడ్డి, ఎమ్మెల్యేలు రామారావు పటేల్, పైడి రాకేశ్ రెడ్డిలు ఉన్నారు. రైతు సమస్యలు, ధాన్యం కొనుగోళ్లపై చర్యలు తీసుకోవాలని వారు ముఖ్యమంత్రిని కోరారు. 

అదేవిధంగా ముఖ్యమంత్రి రేవంత్ రెడ్డి సాగునీటి శాఖపై సమీక్ష నిర్వహించారు. సమీక్షలో మంత్రులు తుమ్మల నాగేశ్వర రావు, కొండా సురేఖ, ఉత్తమ్ కుమార్ రెడ్డి పాల్గొన్నారు. కాళేశ్వరం ప్రాజెక్టు, డ్యామ్ సేఫ్టీ అథారిటీ నివేదికపై వారు చర్చించారు.