హైదరాబాద్,విశ్వంభర:- ఎల్బీనగర్ ఎమ్మెల్యే సుధీర్ రెడ్డి అస్వస్థత గురయ్యారు. హైదరాబాద్ ఏఐజి ఆసుపత్రిలో ఆయన  చికిత్స పొందుతున్నారు.విషయం  తెలుసుకున్న మాజీ మంత్రి , బిఆర్ ఎస్ వర్కింగ్ ప్రెసిడెంట్ కల్వకుంట్ల తారక రామారావు ఏఐజి ఆసుపత్రి కి వెళ్లి ఎల్బీనగర్ ఎమ్మెల్యే సుధీర్ రెడ్డి ని పరామర్శించడం జరిగింది. ఏఐజి వైద్యుల తో మాట్లాడి సుధీర్ రెడ్డి ఆరోగ్య పరిస్థితిని తెలుసుకున్నారు కెటిఆర్. కుటుంబ సభ్యులతో మాట్లాడి ధైర్యంగా ఉండాలని భరోసా ఇచ్చారు.  

రంగారెడ్డి జిల్లా ఇంచార్జి మరియు ఐ.టీ.శాఖ మంత్రి  దుద్దిళ్ల శ్రీధర్ బాబు ని సచివాలయంలో రంగారెడ్డి జిల్లా బిఆర్ఎస్ పార్టీ ఎమ్మెల్యేల బృందం మర్యాదపూర్వకంగా కలిశారు. ఈ సందర్భంగా ఎమ్మెల్యే సుధీర్ రెడ్డి  ఎల్.బి.నగర్ నియోజకవర్గనికి పలు నిధులు మంజూరు చేయాలని వారిని కోరడం జరిగింది. ముఖ్యంగా ఎల్.బి.నగర్ నియోజకవర్గ పరిధిలోని మరో రెండు నూతన ఫ్లైఓవర్లు నిర్మించాలని  కోరారు. అలాగే నూతన ఎస్.ఎన్.డి.పీ. పనుల నిమిత్తం 100 కోట్ల రూపాయలు,నూతన వాటర్ డ్రైనేజీ పనుల నిమిత్తం మరో 100 కోట్ల రూపాయలు మంజూరు చేయాలని కోరారు.

దానికి సానుకూలంగా స్పందించిన మంత్రి రాజకీయాలకు అతీతంగా పనులు చేయడం జరుగుతుందని అన్నారు. తప్పకుండా మీరు కోరిన అభివృద్ధి పనులకు తప్పకుండా మంజూరు చేస్తామని హామీ ఇచ్చారు. పలువురు ఎమ్మెల్యేలు కూడా వారి యొక్క నియోజకవర్గ అభివృద్ధి కోసం మాకు కూడా నిధులు మంజూరు చేయాలని కోరారు. తప్పకుండా మంజూరు చేస్తామని హామీ ఇచ్చారు. ఇట్టి కార్యక్రమంలో బండారు లక్ష్మారెడ్డి,మాధవరం కృష్ణ రావు, అరికెపుడి గాంధీ,మర్రి రాజశేఖర్,వివేకానంద  పాల్గొన్నారు.

వైసీపీ పార్టీ మొన్నటి అసెంబ్లీ ఎన్నికల్లో ఓడిపోయినప్పటి నుంచి ఆ పార్టీ నేతలు వేరే పార్టీల్లోకి వెళ్లిపోతారంటూ పెద్ద ఎత్తున ప్రచారం జరుగుతోంది. ఇక ఇందుకు బలం చేకూర్చే విధంగా తాజాగా బీజేపీ ఎమ్మెల్యే ఆదినారాయణ రెడ్డి సంచలన వ్యాఖ్యలు చేశారు. వైసీపీ ఎంపీ మిథున్ రెడ్డి బీజేపీతో టచ్ లోకి వచ్చారంటూ బాంబ్ పేల్చారు. 

మిథున్ రెడ్డి బీజేపీలో చేరేందుకు ప్రయత్నాలు చేస్తున్నారని.. త్వరలోనే ఆయన పార్టీ మారుతారంటూ తెలిపారు. ఇప్పటికే బీజేపీ అగ్ర నాయకత్వంతో మిథున్ రెడ్డి టచ్ లోకి వెళ్లారని ఆయన సంచలన వ్యాఖ్యలు చేశారు. ఏపీలో వైసీపీ ఖాళీ అవడం ఖాయం అని.. బీజేపీ ఒప్పుకుంటే అవినాష్‌ రెడ్డి తప్ప మిగతా ఎంపీలంతా బీజేపీలో చేరేందుకు రెడీగా ఉన్నారని ఆదినారాయణ రెడ్డి చెప్పారు.

కాగా వైసీపీ ఎంపీలు అవసరం లేదని బీజేపీ పెద్దలు చెబుతున్నా కూడా.. మిథున్ రెడ్డి మాత్రం చేరేందుకు ప్రయత్నాలు చేస్తున్నారంటూ తెలిపారు. అయితే నారాయణ రెడ్ది వ్యాఖ్యలపై ఇప్పటి వరకు మిథున్ రెడ్డి మాత్రం స్పందించట్లేదు. దాంతో ఆయన చేరిక ఖాయమే అని అంటున్నారు.