సూపర్ స్టార్ మహేశ్ బాబు సినిమాల్లోనే కాదు.. బయట కూడా రియల్ హీరో అనిపించుకుంటున్నారు. ఇప్పటికే చిన్న పిల్లలకు గుండె ఆపరేషన్లు చేయిస్తూ ఎంతో మందికి కొత్త జీవితాలను ప్రసాదిస్తున్నారు. దాంతో పాటు ఆయన వద్దకు వస్తున్న ఎంతో మందికి తనవంతు సాయం చేస్తూనే వస్తున్నారు సూపర్ స్టార్ మహేశ్. 

ఇప్పుడు తాజాగా తన అభిమాని కుటుంబానికి అండగా నిలబడి.. ఆ కుటుంబానికి దేవుడయ్యాడు. కృష్ణా జిల్లా పెదప్రోలుకు చెందిన రాజేష్‌.. మొదటి నుంచి సూపర్ స్టార్ కుటుంబానికి అభిమాని. అప్పట్లో కృష్ణ, ఆ తర్వాత మహేశ్ బాబుకు అభిమానిగా ఉండేవాడు రాజేష్. అయితే రీసెంట్ గా అతను కిడ్నీలు చెడిపోవడంతో మంచాన పడ్డాడు. 

ఈ విషయం తన అభిమానుల ద్వారా తెలుసుకున్న మహేశ్ బాబు.. ముందుకు వచ్చాడు. ఆ కుటుంబానికి అన్ని విధాలుగా అండగా ఉంటానిని హామీ ఇచ్చాడు. దాంతో పాటు రాజేష్ ముగ్గురు పిల్లల చదువులకు అయ్యే ఖర్చు మొత్తాన్ని భరిస్తానంటూ మాటిచ్చాడు. ఈ విషయాన్ని మ్యూజిక్ డైరెక్టర్ స్టోరీగా పెట్టడంతో వైరల్ అవుతోంది. అంతా మహేశ్ పై ప్రశంసలు కురిపిస్తున్నారు.