Arjun Sarja: కన్నడ సినీ నటుడు, యాక్షన్ కింగ్ అర్జున్ సర్జా భక్తి భావంతో నిర్వహించిన ప్రత్యేక ఉత్సవంలో పాల్గొన్నారు. చెన్నైలో ఆయన నిర్మించిన హనుమాన్ ఆలయంలో జరిగిన దేవుడి ఉత్సవంలో అర్జున్ స్వయంగా పల్లకీ మోశారు. ఆలయంలో నిర్వహించిన ప్రత్యేక కార్యక్రమాల్లో భక్తులతో కలిసి అర్జున్ పాల్గొన్నారు. పల్లకీ సేవలో భక్తిశ్రద్ధలతో పాల్గొన్న ఆయన వీడియో ప్రస్తుతం సామాజిక మాధ్యమాల్లో వైరల్‌గా మారింది. సంప్రదాయ దుస్తుల్లో పల్లకీ మోస్తూ కనిపించిన అర్జున్‌ను అభిమానులు ప్రశంసిస్తున్నారు.

తనకు హనుమంతుడిపై ఉన్న భక్తిని అర్జున్ సర్జా పలుమార్లు చాటుకున్నారు. చెన్నైలో ఆయన నిర్మించిన హనుమాన్ ఆలయంలో ప్రత్యేక పూజలు, ఉత్సవాలు నిర్వహిస్తూ ఉంటారు. ఈ క్రమంలో జరిగిన తాజా ఉత్సవంలోనూ ఆయన స్వయంగా పాల్గొని పల్లకీ సేవ చేశారు. అర్జున్ సర్జా పల్లకీ మోస్తున్న దృశ్యాలను చూసిన అభిమానులు, భక్తులు సోషల్ మీడియాలో స్పందిస్తున్నారు. ‘జై శ్రీరామ్’, ‘జై హనుమాన్’ అంటూ భక్తి సందేశాలను పంచుకుంటున్నారు. అర్జున్ భక్తి వీడియోకు నెటిజన్ల నుంచి మంచి స్పందన లభిస్తోంది.

సీనియర్ హీరో అర్జున్ సర్జా గురించి ప్రత్యేకంగా పరిచయం అవసరం లేదు. ఆయన సీనియర్ హీరోగా ఎన్నో సినిమాల్లో నటించారు. తెలుగుతో పాటు తమిళం, మలయాళం, కన్నడ సినిమాల్లో అగ్ర నటుడిగా ఎదిగారు. ఇప్పటికే వందకు పైగా సినిమాల్లో నటించిన ఆయన.. ఇప్పుడు దర్శకుడిగా బాగానే సినిమాలు చేస్తున్నారు. 

అయితే ఆయన కూతురు ఐశ్వర్య కూడా హీరోయిన్ గా చేసింది. ఈ క్రమంలోనే ఆమె తమిళ ఇండస్ట్రీకి చెందిన హీరో ఉమాపతిని ఆమె ప్రేమించి పెళ్లి చేసుకున్న సంగతి తెలిసిందే. అయితే అర్జున్ సర్జా తన కూతురుకు ఎంత కట్నం ఇచ్చారనేది ఇప్పుడు చర్చనీయాంశంగా మారిపోయింది. 

అర్జన్ ఆస్తి దాదాపు రూ.180 కోట్లకు పైగానే ఉంటుంది. అయితే అర్జున్ తన ఇద్దరు కూతుర్ల పేరు మీద తన ఆస్తిని రాసి ఉంచారట ఎప్పుడో. ఇప్పుడు పెద్ద కూతురుకుబంగారు ఆభరణాలతోపాటు కోటి రూపాయాలకు పైగా విలువైన ఇంటిని కూతురికి బహుమతిగా అందించాడు. ఇక తన కూతురు పేరు మీద ఉంచిన ఆస్తి మొత్తం ఆమె పేరు మీదనే ఉంటుందని తెలుస్తోంది.