పాన్ ఇండియా స్టార్ ప్రభాస్, మహానటి ఫేమ్ నాగ్ అశ్విన్ కాంబినేషన్‌లో తెరకెక్కిన సినిమా ‘కల్కి ఏడీ 2898’.  ప్రభాస్తోపాటు దీపికా పదుకొణె, దిశా పటానీ, కమల్‌హాసన్, అమితాబ్ బచ్చన్ తదితరులు కీలక పాత్రల్లో నటిస్తున్నారు. ప్రపంచ వ్యాప్తంగా ఈ సినిమాను ఈనెల 27వ తేదీన ప్రపంచ వ్యాప్తంగా విడుదల చేసేందుకు మేకర్స్ ప్లాన్ చేస్తున్నారు. ఈ నేపథ్యంలో ప్రమోషన్స్‌ వేగవంతం చేశారు. 

ఇప్పటికే ఈ సినిమా టీజర్, ట్రైలర్‌ను విడుదల చేయగా యూట్యూబ్‌లో ఆ రెండు వీడియోలు మిలియన్‌ వ్యూస్‌తో దూసుకెళ్తున్నాయి. ఈ క్రమంలో తాజాగా ఈ సినిమాలోని ఓ పాటను విడుదల చేశారు. ఫస్ట్ సింగిల్ ‘భైరవ యాంథెమ్’ ఫుల్ వీడియోను విడుదల చేశారు. ఈ పాటను ప్రముఖ పంజాబీ గాయకుడు, నటుడు దిల్లిత్ దోసంత్ పాడారు. సంతోశ్ నారాయణన్ మ్యూజిక్ అందించారు. ఈ చిత్రం మ్యూజిక్ రైట్స్‌ను ప్రముఖ మ్యూజిక్ లెబెల్ అయిన సరిగమ సొంతం చేసుకుంది.