సెలబ్రిటీలకు సంబంధించి సోషల్ మీడియాలో ప్రతీ చిన్న విషయం వైరల్ అవుతుంది. చిన్న పొరపాటు జరిగినా దాన్ని క్షణాల్లో పట్టేసి వైరల్ చేస్తారు నెటిజన్లు. వారి జీవితాల్లో చిన్న చిన్న మార్పులు కనిపిస్తే దానికి కారణం ఏమై ఉంటుందని చాలా విశ్లేషణలు చేస్తూ ఉంటారు. ఇప్పుడు ముంబై ఇండియన్స్ కెప్టెన్ హార్దిక్ పాండ్యా గురించి సంచలన పుకార్లు నెట్టింట్లో షికారు చేస్తున్నాయి. హార్ధిక్ ప్రేమ, పెళ్లి సినిమాటిక్‌గా జరిగాయి. హార్దిక్, నటాషాను ఓ హోటల్‌లో కలవడం.. తర్వాత అది స్నేహంగా మారడం.. కొన్నాళ్లకే వారి మధ్య ప్రేమ చిగురించడం జరిగింది.

ఇద్దరు కొన్ని రోజులు డేటింగ్‌లో ఉన్నారు కూడా. ఆ తర్వాత పెళ్లి చేసుకున్నారు. వీరిద్దరికి పెళ్లి జరిగి నాలుగేళ్లు అవుతోంది. హార్ధిక్, నటాషా ప్రేమకు గుర్తుగా 
ఓ బాబు కూడా పుట్టాడు. ఇంత వరకూ బాగానే ఉన్నారు. ఇటీవల జరుగుతున్న కొన్ని పరిణామాలతో వీరిద్దరూ విడాకులు తీసుకోబోతున్నారని కొందరు విశ్లేషణలు చేస్తున్నారు. దానికి బలమైన కారణాలే చెబుతున్నారు. నటాషా పుట్టిన రోజున హార్దిక్ సోషల్ మీడియాలో ఎలాంటి పోస్ట్ కూడా చేయలేదు. కనీసం విష్ కూడా చేయలేదు. గతంలో హార్దిక్ రెగ్యులర్‌గా ఫ్యామిలీ ఫోటోలు పోస్ట్ చేసేవాడు. చాలా రోజులుగా అలాంటి ఫోటోలు కూడా లేవు. దీంతో వీరు త్వరలో విడాకులు తీసుకోవడానికి రెడీ అవుతున్నారని సినీ, క్రీడా వర్గాల్లో చర్చ జరుగుతోంది. 

దీనికితోడు ముంబై ఇండియన్స్ ఈసారి ఘోర పరాభావంతో టోర్నీ నుంచి నిష్క్రమించింది. దీనికి కూడా కారణం హార్దిక కుటుంబ సమస్యలే అనేవాళ్ల కూడా లేకపోలేదు. కుటుంబ కలహాల కారణంగానే హార్థిక్ గేమ్‌పై పూర్తిగా ఫోకస్ చేయలేదని అంటున్నారు. అయితే నటషా మాత్రం ఇంతవరకూ తన ఇన్ స్టా నుంచి హార్దిక ఫోటోలను డిలీట్ చేయలేదు. మరి ఇవన్నీ నిజాలా.. కేవలం పుకార్ల అనేది తేలాల్సి ఉంది.

స్టార్ ఆల్‌రౌండర్, ముంబై ఇండియన్స్ కెప్టెన్ హార్దిక్ పాండ్యాకు బిగ్ షాక్ తగిలింది. ఐపీఎల్ 2025లో తొలి మ్యాచ్ ఆడకుండా హార్దిక్‌పై నిషేధం, భారీ జరిమానాను విధించింది బీసీసీఐ. ఐపీఎల్ 2024లో భాగంగా శుక్రవారం రాత్రి వాంఖడే స్టేడియంలో లక్నో సూపర్ జెయింట్స్‌తో జరిగిన మ్యాచ్‌లో ముంబై స్లో ఓవర్ రేటు నమోదు చేసినందుకు గానూ బీసీసీఐ ఈ నిర్ణయం తీసుకున్నట్లు తెలుస్తోంది. 

స్లో ఓవర్ రేట్ కారణంగా ఐపీఎల్ 2024లో రిషబ్ పంత్ కూడా ఓ మ్యాచ్ నిషేధాన్ని ఎదుర్కొన్న విషయం తెలిసిందే. ఈ సీజన్‌లో 14 మ్యాచ్‌లు ఆడిన ముంబై ఇండియన్స్ కేవలం నాలుగు మ్యాచ్ గెలిచింది. 10వ మ్యాచ్‌లో ఓడి పాయింట్ల పట్టికలో పదో స్థానంతో సరిపెట్టుకుంది. ముంబై చివరగా ఐపీఎల్ 2020లో ఛాంపియన్‌గా నిలిచింది. ఆ తర్వాత వరుసగా నిరాశపరుస్తోంది. 

ఈ క్రమంలో పాండ్యా ఐపీఎల్‌లో తొలిమ్యాచ్ ఆడేందుకు నిషేధించడంతో పాటు రూ.30లక్షల భారీ జరిమానాను విధించారు ఐపీఎల్ నిర్వాహకులు. ఐపీఎల్ 2024లో హార్దిక్ స్లో ఓవర్ రేట్‌ను నమోదు చేయడం ఇది మూడోసారి. పాండ్యాతో పాటు ముంబై ఇండియన్స్ తుది జట్టులో ఆడిన ఆటగాళ్లకు రూ.12లక్షలు లేదా వారి మ్యాచ్ ఫీజులో 50శాతం జరిమానా విధిస్తున్నట్లు ఐపీఎల్ నిర్వాహకులు ప్రకటించారు.