ఇటీవల చిన్నపాటి గొడవలకు విచక్షణ కోల్పోయి ప్రాణాలు తీస్తున్న ఘటనలు పెరిగిపోతున్నాయి. తాజాగా హైదరాబాద్‌లో మరో దారుణ ఘటన వెలుగుచూసింది. అందరూ చూస్తుండగానే ఓ యువకుడిని వెంబడించి కత్తులతో అతిదారుణంగా హత్య చేశారు. బాలాపూర్‌లోని రాయల్ కాలనీలో గురువారం రాత్రి ఈ ఘటన జరిగింది. ఓ వ్యక్తిని ముగ్గురు రౌండప్ చేసిన దుండగులు కత్తులతో పొడిచారు. విచక్షణారహితంగారాళ్లు, కర్రలతో దాడి చేశారు. దీంతో ఆ యువకుడు అక్కడికక్కడే ప్రాణాలు కోల్పోయాడు. 

ఈ ఘటనకు సంబంధించి వివరాలు ఇలా ఉన్నాయి. బాలాపూర్‌లోని రాయల్ కాలనీలో ఉంటున్న సమీర్ (28) అనే యువకుడిని పలువురు దుండగులు వెంబడించారు. సమీర్ చిక్కగానే అందరూ రౌండప్ చేశారు. అందులో ఓ వ్యక్తి కత్తితో సమీర్‌ కడుపుతో పొడిచాడు. మరో ఇద్దరు అతడిని రాళ్లు, కర్రలతో దారుణంగా కొట్టారు. దీంతో సమీర్ అక్కడికక్కడే మృతిచెందాడు.

హత్య అనంతరం ముగ్గురు నిందితులు అక్కడి నుంచి పరారయ్యారు. హత్యా సమయంలో ఓ వ్యక్తి వీడియో తీసి సోషల్ మీడియాలో పోస్ట్ చేశాడు. దీంతో ఆ వీడియో ఇప్పుడు వైరల్ అవుతోంది. దీనిపై పోలీసులు కేసు నమోదు చేసుకుని దర్యాప్తు చేపట్టారు. అయితే, ఈ హత్యకు పాతకక్షలే కారణమా లేక ఆర్థిక వ్యవహారమా? మరేదైనా కారణాలు ఉన్నాయా? అనే కోణంలో పోలీసులు దర్యాప్తు చేపట్టారు. చేస్తున్నారు.