తెలంగాణ టీచర్‌ ఎలిజిబిలిటీ టెస్ట్ (టెట్‌ 2024) ఫలితాలు విడుదలయ్యాయి. బుధవారం సీఎం రేవంత్ రెడ్డి తన నివాసంలో వీటిని విడుదల చేశారు. పేపర్-1పరీక్షకు 85,996 అభ్యర్థులు హాజరయ్యారు. పేపర్‌ 1 పరీక్షకు 57,725 అభ్యర్థులు అర్హత సాధించారు. పేపర్-1లో ఉత్తీర్ణత శాతం 67.13%గా నమోదైంది. 

ఇక పేపర్-2 ఎగ్జామ్ కు 1,50,491 అభ్యర్థులు హాజరుకాగా.. వారిలో 51,443 అభ్యర్థులు అర్హత సాధించారు. పేపర్-2లో అర్హత సాధించిన వారు 34.18% మాత్రమే ఉన్నారు. తెలంగాణ టెట్-2024కు 2,86,381 మంది అప్లై చేసుకున్నారు. 2023తో పోలిస్తే పేపర్-1లో 30.24% అర్హత శాతం పెరిగింది. 2023తో పోలిస్తే పేపర్-2లో కూడా 18.88% పెరిగింది అర్హత శాతం. 

ఇక ఈ టెట్ లో అర్హత సాధించిన వారికి తర్వాత వచ్చే టెట్ కు ఉచితంగానే అప్లై చేసుకునే వెసలుబాటు కల్పిస్తున్నట్టు రేవంత్ రెడ్డి ప్రకటించారు. అంతే కాకుండా ఇప్పుడు టెట్ అర్హత సాధించిన వారిక డీఎస్సీ-2024కి కూడా ఉచితంగానే అప్లై చేసుకునే వెసలుబాటు కల్పించారు సీఎం.